Тема: Анатомия панинин классификациясы рауажланыу тарийхы хам уйрениу методы

Arteriyal sheńber

Shep jane oń táreptegi miydiń aldınǵı arteriyaları óz-ara aldınǵı birlestiriwshi arteriya menen birlesip anastomoz payda etse arqa tárepte omırtqa arteriyasınıń tarmaqları, oń jane shep táreptegi miydiń arqa arteriyaları óz-ara birlestiriwshi arteriya arqalı qosılıwınan oń hám shep táreptegi ishki uyqı arteriyası menen anastomoz payda boladı. Bul arterial sheńber bas miydiń tiykarında órmekshi tárizli perdeniń astında túrk erinniń átirapın orap turadı. Bul aylana arterial anastomoz miydiń bir qálipte qan menen táminleniwin boldıradı. Billiziy qan aylanıw sheńberi dep usıǵan aytıladı.

Omıraw astı arteriyası

Omıraw astı arteriyası (a. subclavia) bir jup bolıp shep táreptegi arteriya tuwrıdan-tuwrı aorta yarım sheńberinen shıǵadı, oń táreptegi arteriya bolsa iyin, bas stvolınan baslanadı. Omıraw astı arteriyası I-qabırǵanıń sırtqı qırınan baslanıp qoltıq arteriyası bolıp dawam etedi. Ádette omıraw astı arteriyası jaylasıwına qaray úsh bólimge bólip uyreniledi. Omıraw astı arteriyasınıń I-bóliminen baslanǵan tarmaqlar tómendegiler: 1. Omırtqa arteriyası eń úlken tarmaǵı bolıp miydiń qattı perdesin tesip ótip úlken tesik arqalı gelle boslıǵna kirip miy kópiriniń arqa shetine jaqın jerde eki arteriya óz-ara birlesedi. Omırtqa arteriyasınıń tómendegi tarmaqları bar.

1. 
   Bulshıq et tarmaǵı. 2. Arqa miydiń aldınǵı arteriyası.3. Arqa miydiń arqa táreptegi arteriyası. Arqa miy joqarıda aytıp ótilgen arteriya tarmaqlarınan basqa deneniń kókirek bóliminde keyingi qabırǵalar-ara arteriyadan, bel bóliminde bolsa bel arteriyalarınan tarmaqlar aladı. Áne usı arteriya tarmaqları omırtqa arteriyasınıń hámme tarmaqları menen tutasadı. Nátiyjede arqa miyde tarqalǵan arteriya tamırlarınıń anastomozları omıraw astı arteriyasın tómen túsiwshi aorta menen qosadı.
   
2. 
   Qalqan tárizli moyın stvolı juwan hám kelte bolıp omıraw astı arteriyasınıń medial shetinen shıǵadı.
   
3. 
   Kókirek kletkasınıń ishki arteriyası omıraw astı arteriyasınıń tómengi tárepinen shıǵadı.
   

Omıraw astı arteriyasınıń ekinshi bóliminen: qabırǵa moyın stvolı baslanadı.
Omıraw astı arteriyasınıń úshinshi bóliminen moyınnıń kese arteriyası baslanadı.