Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

Salıq kodeksine muwapıq to’mendegiler tovarlardı (jumıslardı, xızmetlerdi) realizatsiya etiw aylanısı esaplanbaydı:
1.Salıq to’lewshinin’ qa’rejetleri sıpatında qaralatug’ın, onın’ o’zinin’ mu’ta’jlikleri ushın tovar beriw, jumıslar orınlaw, xızmetler ko’rsetiw;
2.Bir yuridikalıq ta’reptin’ bir ta’repinen basqa bir strukturalıq bo’limine o’ndiris talapları (zavod ishki aylanısı) ushın jumıslardın’ orınlanıwı, xızmetler ko’rsetiliwi;
3.Salıq to’lewshinin’ o’zinin’ mu’ta’jlikleri ushın o’z ku’shi menen qurılıs, montaj, qurılıs-montaj jumısların orınlawı;
4.Girew qunına iye bolg’an qaytarılatug’ın taranı sol esaptan shisha ıdıstı jo’netiw;
5.Tamamlanbag’an qurılıstın’ tiykarg’ı quralların, materiallıq emes aktivlerin h’a’m obektlerin mutqa beriw;
6.Banklerdin’ tovarın-mu’lkin o’z filiallarına beriwi;
7.A’piwayı shirket sha’rtnaması boyınsha sheriktin’ (qatnasıwshının’) u’lesi sıpatında tovarlardı (jumıslardı, xızmetlerdi), basqa tovar-mu’lkti h’a’m mu’lk h’uqıqların beriw;
8.Tovarlardı h’a’m basqa tovar-mu’lkti qayta islew tiykarında beriw;
9.İsenimli basqarıw sha’rtnaması tiykarında tovar-mu’lkti mu’lkdardan isenimli basqarıwshıg’a beriw h’a’m basqa nızamshılıqta ko’zde tutılg’an aylanıslar.
O’zbekstan Respublikasında qosımsha qun salıg’ının’ stavkası 1992-jılı 30-payızdı qurag’an bolsa, bu’gingi ku’nge shekem bir neshe ma’rte o’zgertirildi. Ma’selen, 1996-jılı 17payızdı, 1997-jılı 18 payızdı, ayırım azıq-awqat o’nimleri tu’rlerine (un, nan, go’sh, su’t h’a’m su’t o’nimleri) bolsa kemeytirilgen 10 payızlı stavkada belgilendi. 1999-jılda respublikada qosımsha qun salıg’ının’ 3 tu’rli stavkası (20%, 15%, h’a’m 0%) a’melde qollanıldı.
2000-jıldan h’a’zirgi ku’nge deyin salıq Kodeksine muwapıq respublikamızda 20 payızlı h’a’m «0» payızlı stavka qollanılıp kelinbekte.
Ulıwma alg’anda «0» stavka degende ka’rxana islep shıg’arıp atırg’an tovarlardın’ (orınlang’an jumıs, xızmetlerdin’) qunına qosımsha qun salıg’ı qollanılmaydı, yag’nıy «nolge» ten’ degeni.