Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

2.Aktsiz salıg’ın to’lewshiler. Salıq obekti h’a’m bazası.
Aktsiz salıg’ının’ to’lewshileri bolıp, mu’lktin’ formasınan h’a’m salıqqa tartıwdın’ qanday ta’rtibi ornatılıwına qaramastan aktsiz astı tovarların islep shıg’arıwshı h’a’m import etiwshi yuridikalıq h’a’m fizikalıq ta’repler esaplanadı.
Salıq kodeksinin’ 230-statyasına muwapıq to’mendegi operatsiyalar aktsiz salıg’ı salınatug’ın obekt esaplanadı:
1. Aktsiz to’lenetug’ın tovarlardı realizatsiya etiw; Girew menen ta’miynlengen minnetleme orınlanbag’an jag’dayda, girewge qoyılg’an aktsiz to’lenetug’ın tovarlardı girewge qoyıwshı ta’repinen tapsırıw;

• 
  aktsiz to’lenetug’ın tovarlardı biypul (mutqa) tapsırıw;
  
• 
  aktsiz to’lenetug’ın tovarlardı jumıs beriwshi ta’repinen is h’aqı esabınan jallanıp islewshige nızam h’ujjetlerinde na’zerde tutılg’an jag’daylarda tapsırıw yamasa esaplang’an dividendler esabınan yuridikalıq ta’reptin’ mekemesine (qatnasıwshısına) tapsırıw;
  
• 
  aktsiz to’lenetug’ın tovarlardı nızam h’ujjetlerinde na’zerde tutılg’an jag’daylarda basqa tovarlarg’a (jumıslarg’a, xızmetlerge) almastırıw ushın tapsırıw;
  

2. Aktsiz to’lenetug’ın tovarlardı yuridikalıq ta’reptin’ ustav fondına (ustav kapitalına) u’les yaki pay vznosı sıpatında yamasa a’piwayı shirket sha’rtnamsı boyınsha sheriktin’ (qatnasıwshının’) u’lesi sıpatında tapsırıw;
3. Aktsiz to’lenetug’ın tovarlardı yuridikalıq ta’reptin’ qatnasıwshısına (muassisiga) ol yuridikalıq ta’rep quramınan shıqqan (shıg’ıp ketken) taqdirde yaki yuridikalıq ta’rep qaytadan du’zilgenligi, jabılg’anlıg’ı (bankrotlıg’ı) ushın tapsırıw;
4. Aktsiz to’lenetug’ın tovarlardı u’les qosıw tiykarında qayta islewge tapsırıw;
5. İslep shıg’arılg’an h’a’m qazıp alıng’an aktsiz to’lenetug’ın tovarlardı o’z mu’ta’jlikleri ushın tapsırıw;
6. Aktsiz to’lenetug’ın tovarlardı O’zbekstan Respublikasının’ bajıxana aymag’ına import etiw.
Mutqa beriletug’ın aktsizlenetug’ın o’nim boyınsha to’mendegiler salıq salıw obekti bolıp esaplanadı:
-aktsiz salıg’ının’ qattı stavkaları belgilengen alkogolli o’nim, temeki o’nimleri, o’simlik (paxta) mayı, etil spirti, pivo, vino boyınsha satılg’an o’nimnin’ ko’lemi naturallıq tu’rde;
-basqa aktsizlenetug’ın o’nimler boyınsha salıq to’lewshide tovardı bergen waqtında qa’liplesken nırqlar da’rejesinen kelip shıg’ıp esaplang’an, biraq usı aktsizlenetug’ın tovardı islep shıg’arıw boyınsha h’aqıyqatda qa’liplesken qa’rejetlerden pa’s bolmag’an qun.
To’mendegi aktsiz astı tovarlarına aktsiz salıg’ı salınbaydı:

1. 
   Aktsiz to’lenetug’ın tovarlardı olardın’ islep shıg’arıwshıları ta’repinen eksportqa realizatsiya etiwge, bug’an O’zbekstan Resupblikası Ministrler Kabineti ta’repinen belgilenetugın aktsiz to’lenetug’ın tovarlardın’ ayırım tu’rleri kirmeydi;
   
2. 
   Keyinirek O’zbekstan Respublikasının’ bajıxana aymag’ınan alıp shıg’ıp ketiw sha’rti menen «bajıxana aymag’ında qayta islew» bajıxana rejimine jaylastırılg’an tovarlardan islep shıg’arılg’an qayta islew o’nimi bolg’an aktsiz to’lenetug’ın tovarlardı tapsırıwg’a;
   
3. 
   Ta’biyg’ıy apatlar, qurallı soqlıg’ısıwlar, baxıtsız h’a’diyseler yaki avariyalar ju’z bergende ja’rdem ko’rsetiw ushın, insanıylıq ja’rdemi h’a’m biyg’a’rez texnikalıq ko’mek sıpatında, sonday-aq qayırqomlıq maqsetleri ushın aktsiz to’lenetugın tovarlardı ma’mleketler, h’u’kimetler, xalıq-aralıq sho’lkemler ta’repinen O’zbekstan Respublikasının’ bajıxana aymag’ına import qılıwg’a;
   
4. 
   Aktsiz to’lenetug’ın tovarlardı O’zbekstan Respublikasının’ bajıxana aymag’ına aktsiz salıg’ı salınbaytug’ın tovarlardı alıp kiriw normaları shen’berinde fizikalıq ta’replerdin’ import qılıwına;
   
5. 
   Wa’killik ma’mleketlik organnın’ jazba tu’rde tastıyıqlawı bar bolg’an taqdirde, telekommunikatsiyalar operatorları h’a’m tez izlew ilajları sistemasının’ texnikalıq quralların sertifikatsiyalastırıw boyınsha arnawlı organ ta’repinen alınatug’ın tez-izlew ilajları sistemasının’ texnikalıq quralların import qılıwg’a.