Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

Tovar degende tutınıwg’a mo’ljellengen xa’m qung’a iye bolg’an barlıq na’rseler tu’siniledi.
İmport tovarları boyınsha qosımsha qun salıg’ın esaplap shıg’arıw ushın tiykar bolıp, bajıxana nızamshılıg’ına muwapıq belgilenetug’ın bajıxana qunı esaplanadı.
Tovarlar importı boyınsha salıq salınatug’ın aylanıs ko’lemine bajıxana qunı menen bir qatarda bajıxana bajı summası h’a’m aktsiz salıg’ı summası (aktsiz astı tovarları boyınsha) kiritiledi.
İmport etiletug’ın tovarlar boyınsha qosımsha qun salıg’ı 20 payızlı stavka boyınsha to’lenedi.
A’meldegi nızamshılıqqa muwapıq to’mendegiler qosımsha qun salıg’ınan azat etiledi:

• 
  Shet-ellik diplomatiyalıq wa’killikler h’a’m olarg’a ten’lestirilgen wa’killiklerdin’ ra’smiy paydalanıwı ushın mo’ljellengen tovarlar;
  
• 
  Fizikalıq ta’replerdin’ bajı to’lemesten alıp kiriw normaları shen’berinde import etiletug’ın tovarlar (tovarlardı alıp keliw norması Ministrler Kabinetinin’ arnawlı qararı tiykarında belgilenedi);
  
• 
  O’zbekstan Respublikası aymag’ına ta’biyg’ıy apatlar, baxıtsız h’a’diyseler ju’z bergende alıp kiriletug’ın tovarlar, sonday-aq ma’mleketler, xalıq-aralıq sho’lkemler ta’repinen (h’ayriya) qayırqomlıq maqsetlerinde alıp kiriletug’ın tovarlar;
  
• 
  O’zbekstan Respublikası aymag’ına investitsiya da’stu’rine kiritilgen u’stin obektlerdi a’sbap-u’skeneler menen ta’miynlew ushın h’a’mde h’u’kimet kepilligi menen shet-el kreditleri esabınan qarjılandırılatug’ın investitsiyalıq joybarlardı a’melge asırıw ushın alıp kiriletugın texnologiyalıq u’skeneler;
  
• 
  İmport boyınsha alıp kelinetug’ın da’ri-da’rmaqlar h’a’m meditsinalıq buyumlar;
  
• 
  Shet-el investitsiyaları qatnasıwındag’ı ka’rxanalardın’ ustav kapitalına shet-ellik investorlar ta’repinen u’les sıpatında alıp kiriletug’ın texnologiyalıq a’sbaplar;
  
• 
  h’a’m basqa nızamshılıqta ko’zde tutılg’an import tovarlar.
  

Tovarlar respublika aymag’ına import etiliwinde qosımsha qun salıg’ı bajıxana deklaratsiyası qabıl etiliwine deyin yaki bolmasa onın’ menen bir waqıtta to’lenedi. Eger bajıxana deklaratsiyası belgilengen mu’ddette tapsırılmasa qosımsha qun salıg’ın to’lew mu’ddetleri bajıxana deklaratsiyasın tapsırıw mu’ddeti tamamlang’an ku’nnen baslap esaplap shıg’arıladı.