Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

Fizikalıq ta’replerdin da’ramatların deklaratsiya usılında salıqqa tartıw ta’rtibi.

Deklaratsiya-salıq mekemelerine salıq to’lewshi fizikalıq ta’replerden tapsırılatug’ın h’a’m o’z ishine alıng’an da’ramatlar h’a’m usı da’ramatlar menen baylanıslı qa’rejetler h’akqındag’ı mag’lıwmatlardı o’z ishine alatug’ın h’a’m de salıq to’lewshinin’ esaplang’an salıqların o’z erki menen h’a’m belgilengen waqıtta ma’mleketlik byudjetke to’lewge ma’jbu’r etetug’ın h’u’jjet esaplanadı.
Salıq kodeksine muwapıq fizikalıq ta’replerdin’ ja’mi jıllıq da’ramatı h’aqqındag’ı deklaratsiya to’mendegi jag’daylarda salıq organlarına tapsırıladı:
a) mu’lk da’ramadı, ilim, a’debiyat h’a’m iskusstvo shıg’armaların do’retkeni h’a’m de olardan paydalang’anı ushın avtor sıpatında alıng’an da’ramat;
b). tiykarg’ı bolmag’an jumıs ornınan da’ramat alg’an fizikalıq ta’repler;
v). Rezident-shet ellik fizikalıq ta’repten.
Fizikalıq ta’repler tiykarg’ı jasaw ornındag’ı ma’mleketlik salıq organlarına ja’mi jıllıq da’ramatları h’aqqında deklaratsiyanı to’mendegi mu’ddetlerde tapsırıwı kerek:

• 
  Tiykarg’ı bolmag’an jumıs ornınan (O’zbekstan Respublikasındag’ı, sonday-aq onın’ aymag’ınan tısqarıdag’ı dereklerden) da’ramat alg’an rezident-fizikalıq ta’repler esap beriw jılınan keyingi jıldın’ 1-aprelinen keshiktirmey;
  
• 
  Rezident-shet-ellik fizikalıq ta’repler na’zerde tutılıp atırg’an da’ramatlar h’akqında O’zbekstan Respublikasına kelgen ku’nnen baslap bir ay dawamında belgilengen formada.
  

Fizikalıq ta’replerdin’ da’ramadına salınatug’ın salıqtı to’lew deklaratsiya tapsırıw arqalı salıqlar to’mendegi mu’ddetlerde to’lenedi:
a) tiykarg’ı bolmag’an jumıs ornınan da’ramad alg’an rezident-fizikalıq ta’repler-ja’mi jıllıq da’ramadı h’aqqındag’ı deklaratsiya mag’lıwmatları boyınsha esap beriw jılınan keyingi jıldın’ 1 iyunınan keshikpey, jıl dawamında qayta esaplang’anda-deklaratsiya ma’mleketlik salıq organlarına tapsırılg’an ku’nnen baslap bir ay ishinde;
b) fizikalıq ta’repler-O’zbekstan Respublikasının’ rezidentleri esaplap shıg’arılg’an da’ramat salıg’ın shet ma’mleketde jaylasqan esap betinen shet-el valyutasında to’lewi mu’mkin. Bunda fizikalıq ta’replerden alınatug’ın, milliy valyutada ko’rsetilgen salıq fizikalıq ta’replerden alınatug’ın da’ramat salıg’ı to’lengen sa’nede O’zbekstan Respublikası Oraylıq banki ta’repinen belgilengen kurs boyınsha shet-el valyutasında qayta esaplap shıg’ıladı.