Ташқи кўрикдан ўтказиш (соматоскопия) Ишдан мақсад: Организмни ташқи кўрсаткичларини аниқлаш. Ишнинг бориши

Ташқи кўрикдан ўтказиш (соматоскопия)
Ишдан мақсад: Организмни ташқи кўрсаткичларини аниқлаш.
Ишнинг бориши:
1. Одам организмининг ташқи тери қопламини кўрсаткичларини аниқлаш.

2. 
   Таянч – ҳаракат аппаратининг ҳолатини аниқлаш.
   
3. 
   Қад – қоматнинг ҳолатини аниқлаш.
   
4. 
   Оёқларнинг шаклини аниқлаш.
   
5. 
   Хулоса
   

Керакли материаллар: Билли Кирхгофернинг сколиозометри, П.И.Белоусовнинг лордозометри, см.ли тасма, вазелин, оқ қоғоз.
Махсус ўлчов асбоблари ёрдамида ўлчаш усуллари асосида олинган маълумотлар билан биргаликда, одамнинг жисмоний жиҳатдан ривожланиши даражасини ўрганишда тавсифловчи кўрсаткичлар маълумотлари ҳам ҳисобга олинади.
Бунда кўрикдан ўтказиш давомида текшириш ишлари одам организмининг ташқи тери қопламини кўздан кечиришдан бошланади, кейин эса – кўкрак қафасининг шакли, қорин соҳаси, оёқларнинг ҳолати, танада мускулларнинг ривожланиш даражаси, ёғ қатламининг жойлашиши, таянч – ҳаракатланиш аппаратининг ҳолати ва бошқа кўрсаткичлар текшириб чиқилади.
Тери силлиқлиги, тозалиги, намлиги, қуруқлиги, таранглиги, қотмалиги, ҳуснбузар тошмаларига эгалиги, оқиш тусдалиги, гиперемия тавсифлари ва ҳакозо кўрсаткичлари бўйича кўрикдан ўтказилади. Тери ҳолатини текшириш ташқи кузатув орқали амалга оширилади.
Таянч – ҳаракатланиш аппаратининг ҳолати (ТҲА) умумий ҳолатда ташқи кўриниши асосида, яъни салмоқдорлиги, елкаларнинг кенглиги, қад – қоматнинг ташқи кўриниши ва бошқа жиҳатлари бўйича текширилади.
Умуртқа поғонаси – организмда асосий таянч функсиясини бажаради. Умуртқа поғонаси кўрикдан ўтказиш жараёни давомида ёндан (сагиттал) ва тўғри (фронтал) текисликлар бўйлаб текширилади ва унинг йўналиши ўқининг шакли, умуртқа пағонасида ўткир ўсиқлар соҳалари хосил бўлганлиги кабилар аниқланади, шунингдек бунда елка ва куракларнинг ўзаро бир бирига симметрик ҳолатда жойлашганлиги ва елкаларнинг бир – бирига нисбатан баланд – пастлигига алоҳида эътибор қаратилади, бундан ташқари пастга осилтирилган қўллар ва бел чизиғи бўйлаб хосил боғлувчи бел қисмининг учбурчак соҳаси кўриниши кўздан кечирилади. Ушбу текширишлар асосида умуртқа поғонасининг меёрий ҳолатда тўғрилиги ёки қийшиқлигига баҳо берилади.