"tasdiqlayman" O‘quv ishlari bo`yicha prorektor

Birinchidan, mustaqillik millatimizga, xalqimizga kimdir tomonidan hadya etilgan ne’mat emas. Uni xalqimiz o‘z erksevar farzandlarining qoni evaziga qo‘lga kiritganini yanada yaxshiroq tushuntirib berishimiz darkor.
Istiqlol shubhasiz, buyuk ne’mat. Unga barchamiz munosib bo‘lishimiz va uni ko‘z qorachig‘idek asrashimiz, himoya qilishimiz kerak.
Ikkinchidan, kishilik tarixida o‘z istiqlolining qadriga etmagan xalq, elatlar va millatlar ko‘p bo‘lgan. Istiqlolini saqlab qololmaganlar tarix sahifalaridan butunlay o‘chib ketganini, erkini asrab qolgan millatlar esa sha’n va shavqatda tengsiz yuksaklarga ko‘tarilganini ibratli misollar vositasida xalqimizga etkazishimiz lozim.
Uchinchidan, milliy davlatchiligimiz, taraqqiyot va erk uchun kurashgan farzandlarini xalqimiz yanada yaxshiroq bilishi lozim. Ular haqida teran maqolalar yozilishi, kitoblar chop etilishi, ko‘rsatuv va eshittirishlar tayyorlanishi muhim vazifa hisoblanadi. Bunday buyuk ajdodlarimizni farzandlarimizga yaxshiroq tanitishning yangi yo‘llarini izlashimiz kerak. Toki o‘qituvchi: «Mana bolalar, bobolarimiz qanday buyuk insonlar bo‘lishgan!», - deb faxr bilan ayta olsin.
To‘rtinchidan, «Mustaqillik Vatanimizga nimalar berdi?», «Xalqimiz uchun qanday yangi imkoniyatlar ochdi?» kabi savollarning javobini aniq va tushunarli ko‘rsatib berishimiz darkor. Mustaqillik tufayli mamlakatimizda erishilgan beqiyos yutuqlarni targ‘ib – tashviq qilish shunday vositalardan biridir. Auni chog‘da biz faqat mustaqillik tufayligina o‘z zaminimizga, erkimizga, muqaddas dinimizga qayta ega bo‘ldik, qolaversa, bizni faqat mustaqillikdan keyingina dunyo tanidi, to‘la tan oldi.
Beshinchidan, «Mustaqilligimizga bugun kimlar va nimalar tahdid solyapti?» degan savolning javobini ham to‘la anglab olishimiz kerak. Zotan, asosiy, ko‘zga ko‘rinmas xavf o‘zimizning ichimizda ekanini aksariyat hollarda sezmaymiz. Uning nomi mahalliychilik, qarindosh – urug‘chilik, ba’zan birovning yutuqlarini ko‘rolmaslik kabi illatlardir. Samarqandu -Xorazmning betakror yodgorliklarini, Nurota tog‘larida qo‘ylayotgan baxshilarni, Surxonning ajib sharsharalarini, Farg‘ona vodiysiyu Toshkent bog‘larini, qoraqalpoq o‘lanlarini O‘zbekistonning har bir fuqarosi: «SHularning hammasi – bizniki!» deb faxr bilan ayta oladigan darajaga etganimizda biz bir butun va engilmas millat, xalq bo‘ldiki, deb ayta olamiz.
Oltinchidan, milliy g‘urur, milliy iftixor tuyg‘ularini odamlar qalbiga singdirishning yangicha yo‘li va usullarini, targ‘ibot mexanizmini topish lozim. Quruq rasmiyatchilik bilan eng ezgu g‘oyalarini ham obro‘sizlantirib qo‘yishimiz kutilgan natijaga emas, uning aksiga ega bo‘lishimiz mumkin.

2. «O‘qituvchi va murabbiylar kuni» ni (1996 yil 1 oktyabr) munosib nishonlash chora tadbirlari yuzasidan tavsiyalari

Ushbu umummilliy bayram O‘zbekiston Respublikasi Prezidentining «Ma’naviyat va ma’rifat jamoatchilik markazi faoliyatini yanada takomillashtirish va samaradorligini oshirish to‘g‘risida»gi 1996 yil 9 sentyabrda qabul qilingani 1559 – Farmoni asosida joriy etilgan.

Tadbirga uzoq vaqt ta’lim sohasida faoliyat ko‘rsatgan, hozirgi kunda keksalik gashtini surayotgan o‘qituvchi, murabbiylar, maktabni bitirib, xalq xo‘jaligining turli sohalarida faoliyat yuritayotgan rahbarlar, davlat arboblari, faxriy unvonlar sohibi bo‘lgan pedagoglar, hozirgi vaqtda faoliyat ko‘rsatayotgan, shu yili pedagogik faoliyatini boshlayotgan yosh o‘qituvchilar taklif etiladi.