"tasdiqlayman" O‘quv ishlari bo`yicha prorektor

2. Umumxalq bayramlarini nishonlash yuzasidan tavsiyalar.
1. «Mustaqillik kuni» umumxalq bayramini nishonlash yuzasidan tavsiyalar
1 sentyabr – O‘zbekiston davlati, O‘zbekiston xalqi uchun eng ulug‘, eng aziz bayram. Biz mustaqillikka shunchaki osongina erishganimiz yo‘q. Mustaqil davlat tuzish onlariga etib kelganimiz, avvalambor, asrlar davomida buyuk istiqlolning mashaqqatli yo‘lida xalqimizning asl farzandlari tinimsiz olib borgan kurashlar natijasidir. Biz mustaqillikni millatlarimizning guli bo‘lgan ne – ne asl o‘g‘lonlarning to‘kkan muqaddas qoni, necha asrlik mashaqqatli kurashlari evaziga qo‘lga kiritdik. Xalqimiz hech qachon o‘zga yurtlardan kelgan bosqinchilar oldida bosh egmagan. Buning uchun Aleksandr Makedonskiyga qarshi kurashgan Spitamen, arab bosqinchlari bilan olishgan Muqannani, dunyoning yarmini istilo qilgan mo‘g‘ul bosqinchlariga qarshi so‘nggi nafasigacha jang qilgan Jaloliddin Manguberdining mo‘g‘ullarni yurtimizdan haydab chiqarib, dunyo xalqlarini bu zulmdan qutqarib qolgan buyuk bobolarimiz Amir Temurni eslashning o‘zi kifoya.
Istilochilarga qarshi kurash yaqin o‘tmishda ham to‘xtamadi. Jadidlar ham shu yo‘lda shahid ketdilar. Hatto, sho‘rolar tuzumining oxirgi hamlasi bo‘lgan saksoninchi yillardagi qatag‘on paytida ham millat sha’ni uchun kurashgan vatandoshlarimiz ko‘p bo‘ldi.
Bugungi kunning eng muhim vazifalaridan biri yosh avlodga o‘sha ajdodlarimizning jasur siymolarini ko‘rsatib berish, otalar qalbidagi jasorat tuyg‘ularini ularning ruhiga ham singdirishdan iborat. Zotan, mamlakatning qudrati uning iqtisodiy salohiyati, harbiy kuchi, aholisining soni bilangina o‘lchanmaydi. Mamlakatning quvvati xalqining ruhi, millatning e’tiqodiga sobitligi bilan ham belgilanadi.
Mustaqillik bir kunlik bayram emas. Yil davomida mamlakatimizda yashovchi barcha kishilarga bu bayramning mazmun – mohiyati haqida ta’sirchan usul va vositalar yordamida targ‘ibot va tashviqot ishlarini olib borish zarur.
Mustaqillik bayramiga bag‘ishlab o‘tkaziladigan ma’naviy – ma’rifiy tadbirlarning asosiy tamoyillari quyidagilardan iborat: