"tasdiqlayman" O‘quv ishlari bo`yicha prorektor

Bayramni nishonlashda quyidagilarga amal qilish kerak.
1. Barcha ta’lim muassasalari, markazlar, jamoat tashkilotlarida, xalq ta’limi tuman bo‘limi, viloyat boshqarmalari, MFYda yig‘ilish o‘tkazilib, o‘qituvchi va murabbiylar kuni rasman nishonlanadi.
2. Bayram tadbiri o‘tkaziladigan joylar ustoz va murabbiylarni ulug‘laydigan, ularning mehnatini qadrlashga undaydigan, ta’lim olayotgan yoshlarga, ta’lim islohotiga bag‘ishlangan, shuningdek, Prezidentning ustozlar sha’niga bildirgan so‘zlari yozilgan shiorlar bilan jihozlanadi.
3. Majlis boshida O‘zbekiston Respulikasi Davlat madhiyasi yangraydi, qatnashchilar, qonunga binoan, tik turib ommaviy tarzda unga jo‘r bo‘ladi. Tadbir o‘tkaziladigan zal yoki maydonda O‘zbekiston Respublikasi Davlat bayrog‘i ko‘tariladi.
4. Bayram tadbirini boshlab borayotgan kishi sharafli kasb egalarining mehnati, yosh avlodni voyaga etkazishdagi o‘rni, mustaqillik davrida o‘qituvchi va murabbiylarga munosabat to‘g‘risida qisqacha so‘zlab, keyin maxsus tayyorlangan notiqqa navbat beradi.
5. Notiq 1 oktyabr “O‘qituvchi va murabbiylar kuni”ning umumxalq bayrami sifatida joriy etilishi tarixiga qisqacha to‘xtaladi. Mamlakatda o‘qituvchi va murabbiylarning o‘rni, ahamiyati, sharafli kasb egalarining zalvorli mehnati, respublikamizda mustaqillik davrlarida ta’lim sohasida erishilgan yutuqlar, o‘quv darsliklaridagi o‘zgarishlar haqida so‘zlab beradi.
6. Tadbirga nafaqada bo‘lgan o‘qituvchilar, murabbiylar taklif qilinib, o‘z hayot yo‘llari, malakalari bilan yig‘ilganlarni tanishtiradi. Tadbirda ishtirok etish imkoniyati bo‘lmagan o‘qituvchi va murabbiylarning holidan xabar olish tashkil qilinadi.
7. 1 oktyabr kuni viloyat, tuman markazlarida O‘qituvchi va murabbiylar taklif etiladi. Ta’lim sohasida ulkan yutuqlarga erishgan o‘qituvchi va murabbiylar taqdirlanadi.
8. Tadbir O‘zbekitson Respublikasi Prezidenti Farmonida qayd etilgan: «Bu bayramda o‘tkaziladigan barcha tadbirlar o‘qituvchilar, murabbiylar, tarbiyachilar, umuman, bolalar bilan ishlashga, ularning sog‘lig‘ini himoyalashga, jismonan va ruhan sog‘lom avlodni kamol toptirishga o‘z hayotini baxshida etgan insonlarni ulug‘lashga bag‘ishlansin», - degan tamoyildan kelib chiqib, maktab ishi, jamoatchilik manfaati, Vatanga muhabbat, kelajak avlod tarbiyasiga hurmat ruhida o‘tkazilishi zarur.