"tasdiqlayman" O‘quv ishlari bo`yicha prorektor

Taqlid qilish - biror harakat, qiliq, axd, fikr va xissiyotni takrorlash, aunan o’zlashtirish.
Tafakkur - inson aqliy faoliyatining oliy shakli, insonlarni o’rab olgan dunyodagi o’zaro bog’langan narsa va hodisalarni bilish jarayoni, muhim hayotiy jarayonlarni his qilish va muammolarni xal etish, ma’lum bo’lmagan voqea- hodisalarni qidirish, kelajakni ko’ra olish. Tafakkur, tushuncha, xukm, xulosa shakllarida namoyon bo’ladi.
Temperament - 1) shaxsning psixik faoliyati dinamikasining turli jihatlarini bildiradigan turg’un individual xususiyatlarining qonuniy munosabatlari; 2) shaxsning dinamik xususiyatlari: jadallilik, tezlik, daraja, psixik jarayonlar va holatlar ritmi.
Test — 1) standart shakldagi topshiriqlar bo’lib, aqliy taraqqiyot, qobiliyat, bilim va malakani aniqlash maqsadida o’tkaziladigan sinovdir; 2) aniq sostiologik tadqiqotlarda foydalaniladigan tarqatma material, savolnoma; 3) shaxs ruhiyati va xulqining aniq mikdoriy va ma’lum sifat baholarini oldindan berilgan ba’zi standart - test me’yorlari bilan qiyosiy o’rganishga mo’ljallangan psixologik tadqiqotlarning standartlashtirilgan metodi.
Testdan o’tkazish - ta’lim oluvchining bilim va malakalarini, psixik rivojlanishi, ijtimoiy tajribasini aniqlash uchun savollar tizimining qo’yilishidir.
Texnologiya - ishlab chiqarish jarayonida ashyolar, materiallar, yarim tayyor mahsulotlarni tayyorlash, qayta tayyorlash, ashyoning holati, xususiyati, shaklini o’zgartirish metodlari to’plami.
Tizim - 1) yaxlit ta’limni, uning birligini belgilovchi bir-biri bilan qonuniy bog’liq aksariyat unsurlar (predmetlar, hodisalar, qarashlar, bilimlar va boshqalar); 2) qismlarning ma’lum bir bog’lanishlarda, harakatlarning o’ta izchillikda rejali, to’g’ri joylashish tartibi.
Turtki (stimul) - shaxs psixikasi motivlarining shakllanishini ta’minlovchi tashqi ta’sir.
Tushuncha - atrof-muhitdagi hodisalar, predmetlarning muhim xususiyatlarini, ular orasidagi aloqa va munosabatlarni bilish.
Faoliyat - 1) ongli maqsad bilan boshqariladigan kishining ichki (ruhiy), tashqi (jismoniy) faolligi; 2) atrof-muhitning kishilar tomonidan maqsadga muvofiq qayta bunyod etilishi.