"tasdiqlayman" O‘quv ishlari bo`yicha prorektor

Rivojlanishning ehtimollik nazariyasi - shaxs psixikasi rivojlanishining har bir davrini tasodifiy faktlar yig’indisiga ko’ra belgilashga asoslangan nazariya va u avvalgi rivojlanish davridagi erishilgan sathga nisbatangina bog’liq bo’ladi.
Rol ijro etish - qatnashuvchilarning yakka va gurux bo’lib turli rollarda (sahnada) chiqishi, obrazga kirishi.
Ruhiy pedagogik tayyorgarlik - pedagogikaning metodologik asoslari va kategoriyalarini, shaxsning ijtimoiylashuvi va taraqqiyoti qonuniyatlari, ta’lim va tarbiyaning moxiyati, maqsadi va texnologiyalarini bilish.
Sardor - guruh a’zolariga lozim bo’lgan vaziyatlarda sezilarli ta’sir o’tkaza oladigan shu guruxning a’zosi.
Suhbat - kuzatuv chog’ida etarli darajada aniq bo’lmagan zarur axborotni olish uchun qo’llanadigan tadqiqot metodi.
Tadqiqot ob’ekti - ziddiyat va muammoli vaziyat tug’diruvchi, bilishga qaratilgan ilmiy tahlilga muhtoj ob’ekt.
Tadqiqot predmeti - bevosita o’rganilishi lozim bo’lgan va amaliy yoki nazariy jihatdan muhim ahamiyat kasb etadigan ob’ektning moxiyati, ma’lum bir tomoni, xususiyati.
Ta’lim - 1) shaxsning jismoniy va ma’naviy shakllanishining yagona jarayoni, ijtimoiy etalonlarning ijtimoiy ong sifatida u yoki bu darajada qayd qilingan, Huquqan shartlangan ideal timsollarga ongli yo’naltirilgan ijtimoiylashish jarayoni; 2) muayyan bilimlarni egallash g’oyaviy-axloqiy qadr, malaka, ko’nikma, axloq me’yorlariga qaratilgan jamiyat a’zolarining ta’lim va tarbiyasi vazifasini bajaradigan nisbiy mustaqil tizim.
Ta’limning madaniy insonparvarlik vazifasi - kishining hayot to’siqlarini engishga yordam beradigan ma’naviy kuchi, qobiliyati va malakalari, tabiat va ijtimoyy hayotga moslashish vaziyatidagi xarakteri va ma’naviy mas’uliyatining shakllanishi, shaxsiy va kasbiy takomili hamda shaxsning o’zi tomonidan amalga oshirilishini ta’minlovchi imkoniyatlari, shaxsning intellektual, axloqiy erkinlikka, shaxsiy muxtoriyati va baxtiga erishish uchun zarur bo’lgan vositalar shaxsning individual ijodiy taraqqiy etishi va ma’naviy imkoniyatlarining ochilishi uchun sharoitlar yaratishi.
Ta’lim turlari - suqrotcha suhbat metodi, an’anaviy ta’lim, izohli-namunali (illyustrativ) ta’lim, bilimlarni mustaqil egallash, programmalashtirilgan ta’lim, ta’limni algoritmlash jarayoni, tabaqalashtirilgan, yakkama-yakka ta’lim va boshqalar.
Tarbiya - 1) shaxsning ma’naviy va jismoniy holatiga muntazam va maqsadga muvofiq ta’sir etish; 2) pedagogik jarayonda ta’lim maqsadlarini amalga oshirish uchun pedagog va tarbiyalanuvchilarning maxsus tashkil etilgan faoliyati.