Tasdiqlayman” Buxoro davlat universiteti ilmiy ishlar va innovatsiyalar bo‘yicha prorektori Т. H. Rasulov

Savol: q.x.f.f.d. (PhD) R.O.Atoyeva: “Oqsil biosintezi” mavzusini Sensey haykalchasi loyihasi asosida tashkil etsa bo’ladimi?
Javob: “Oqsil biosintezi” mavzusini Sensey haykalchasi loyihasi asosida tashkil etish mumkin. Buning uchun 10 turkumdagi topshiriqlarning har biri uchun pedagog-o’qituvchi vazifalarini ishlab chiqishi lozim va talabalar ham oldindan tayyorlanishlari muhim ahamiyatga ega hisoblanadi.
Rais: b.f.d., prof. H.T. Artikova: Yana savollar bormi? Dissertantga boshqa savollar bo‘lmasa, so‘z taqrizchi dots., p.f.f.d. (PhD) F.R. Murodovaga beriladi.
Taqrizchi: Taqriz dots., p.f.f.d. (PhD) F.R. Murodovaga tomonidan to‘liq o‘qib berildi, ishning yutuqlari va kamchiliklari aytildi. Taqriz ilova qilinadi.
Dissertatsiya ishi va avtoreferatida yuqorida taʼkidlangan yutuqlar bilan birga baʼzi kamchiliklar hamda mulohazali holatlar ham uchraydi:
1. Dissertatsiya va avtoreferat matnida imloviy, sitilistik xatolar uchraydi ( masalan, dissertatsiyaning 38, 45, 79; avtoreferatning 3,8- sahifalarida).
2. Dissertatsiyaning birinchi bobi 1.3-paragrafidagi tahliliy materiallarni ilova qismga oʼtkazish maqsadga muvofiq.
3. Dissertatsiyaning 2.1-paragrafidagi metodik materiallar mazmuni juda ortib ketgan, ixchamlashtirish zarur.
4. Аdabiyotlar tahlilini oxirgi besh yillikda chop etilgan ilmiy metodik adabiyotlar va tadqiqot ishlari tahlili bilan yanada boyitish maqsadga muvofiq boʼlar edi.
Yuqorida taʼkidlangan mulohazali holatlar dissertatsiya mazmuni va ilmiy saviyasiga taʼsir koʼrsatmaydi, agarda eʼtibor qaratilsa, ishning salmogʼi yanada ortar edi.
Xulosa qilib aytganda, dissertant tadqiqot ishidan koʼzlangan maqsadga erishgan, dissertatsiya ishi tugallangan va mustaqil bajarilgan. Tadkikotchi Raupova Mehrinigor Haydarovnaning “Boʼlajak biologiya oʼqituvchisining kvaziprofessional tayorgarligini takomillashtirish metodikasi (Biokimyo va molekulyar biologiya fani misolida)” mavzusidagi 13.00.02 - Taʼlim va tarbiya nazariyasi va metodikasi (biologiya) ixtisosligi buyicha pedagogika fanlari buyicha falsafa doktori (PhD) ilmiy darajasini olish uchun tayyorlangan dissertatsiya ishi va avtoreferati OАK tomomnidan dissertatsiya va avtoreferatlarni rasmiylashtirish talablariga mos keladi. Talabgor M.H.Raupova pedagogika fanlari boʼyicha falsala doktori (PhD) ilmiy darajasini olishga loyiq deb hisoblayman.