Tasdiqlayman” Buxoro davlat universiteti ilmiy ishlar va innovatsiyalar bo‘yicha prorektori Т. H. Rasulov

Rais: Taqrizchining ko‘rsatgan kamchiliklariga javob berish uchun so‘z M.H.Raupovaga beriladi.
M.H.Raupova: Avvalo taqrizchi dots., p.f.f.d. (PhD) F.R. Murodovaga dissertatsiya bo‘yicha bergan qimmatli maslahat va takliflari uchun o‘z minnatdorchiligimni bildiraman. Ko‘rsatilgan kamchiliklarga quyidagicha javob bermoqchiman:
1. Dissertatsiya va avtoreferat matnida dissertatsiyaning 38, 45, 79; avtoreferatning 3,8- sahifalarida imloviy, sitilistik xatolar tuzatildi.
2. Dissertatsiyaning birinchi bobi 1.3-paragrafidagi asosiy tahliliy materiallar ilova qismga oʼtkazildi.
3. Dissertatsiyaning 2.1-paragrafidagi metodik materiallar mazmuni ixchamlashtirildi.
4. Аdabiyotlar tahlilini oxirgi besh yillikda chop etilgan ilmiy metodik adabiyotlar va tadqiqot ishlari tahlili bilan yanada boyitildi.
Rais: H.T. Artikova: Taqrizchi javoblardan qoniqdingizmi?
Taqrizchi: b.f.f.d. (PhD), F.R. Murodova: Ha, javoblar qoniqarli.
Rais: H.T. Artikova: Endi eshitilgan ish bo‘yicha muhokamaga o‘tamiz. Marhamat, kim so‘zga chiqmoqchi?
b.f.n., dots. F.H. Jumayev. M.H.Raupova tomonidan o‘rganilgan va himoyaga taklif qilinayotgan ishni eshitdik. Ishning nazariy ahamiyati katta va amaliy tomoni ham yaxshi o‘rganilgan. Katta hajmdagi fundamental ish bajarilgan. Dissertatsiyada keltirilgan jadvallardagi ma’lumotlarni tahlil qilish bir qancha qonuniyatlarni ochish mumkin. Ish jarayonida shakllantirilgan metodikani tajriba-sinovida biokimyo va molekulyar biologiya fanining birob bir mavzusi asosida aniqroq ko’rsatib berishingizni tavsiya qilaman.
Ishning mazmuni, ko‘lami va ahamiyatidan kelib chiqib, hamda taqrizchilar fikrini inobatga olib, ishni himoyaga tavsiya qilish mumkin.
Rais: H.T. Artikova. Yana kim so‘zga chiqmoqchi?
B.f.f.d. (PhD) H.Q. Esanov. M.H.Raupovani talabalik yillaridan bilaman. Talabalik davridan mavzuni olib ustozlari bilan birgalikda ilmiy-tadqiqot ishlari olib boryaptilar. Ish haqiqatdan ham juda dolzarb hisoblanadi. Ilmiy ish mazmunini yoritish asosida biokimyo va molekulyar biologiya fani bilan bog’liqligini yanada aniqroq ko’rsatilishi lozim deb hisoblayman. Ilmiy ishni rasmiylashtirishda yo’l qo’yilgan kamchiliklarni bartaraf qilish lozim. Ilmiy tadqiqot ishi juda yuqori saviyada bajarilgan. Berilayotgan savollarga javob berishidan ham bilsa bo‘ladi, ish ustida qattiq mehnat qilgan. Dissertatsiya ishini keyingi muhokamalarga tavsiya etaman.