Tasdiqlayman” Buxoro davlat universiteti ilmiy ishlar va innovatsiyalar bo‘yicha prorektori Т. H. Rasulov

Tadqiqot natijalarining aprobasiyasi. Mazkur tadqiqot natijalari 5 ta xalqaro va 6 ta respublika ilmiy-amaliy anjumanida muhokamadan o‘tkazilgan.
Tadqiqot natijalarining e'lon qilinganligi. Dissertasiya mavzusini o‘zida aks ettirgan 18 ta nomdagi ish nashr qilingan. Ulardan 1 ta o‘quv qo‘llanma, 2 ta uslubiy qo‘llanma va “Биохимия и молекулярная биология” nomli elektron tizim (DGU guvohnomaga ega) tadqiqot doirasidagi asosiy metodik mahsulotlar hisoblanadi. Shuningdek, 5 ta nufuzli xorijiy nashrlarda va 5 ta O‘zbekiston Respublikasi OAK tomonidan tavsiya etilgan ilmiy jurnallarda salmoqli maqolalar nashr ettirilgan. Shu bilan birgalikda xorijiy, Respublika miqyosida o‘tkazilgan ilmiy-amaliy anjuman materiallarida hamda ilmiy maqolalar to‘plamlarida 8 ta tezis va maqolalar chop etilgan.
Dissertasiyaning tuzilishi va hajmi. Dissertasiya tarkibi kirish, uchta bob, xulosa, 120 sahifa matn, foydalanilgan adabiyotlar ro‘yxati hamda ilovadan iborat.
Xulosalar.
Olib borilgan ilmiy-pedagogik tadqiqot natijalari tahlili va yakunlariga asoslangan holda quyidagi xulosalar taqdim etildi:
1. Bo‘lajak biologiya o‘qituvchilarining kasbiy faoliyatga tayyorlashda kvaziprofessional tayyorgarligini takomillashtirish bevosita, ularning kasbiy-pedagogik faoliyatga tayyorlashning muhim bo‘g‘ini sifatida oliy ta'lim tizimida alohida yondashuvni talab etadi. Mazkur jarayonni samarali tashkil etish bo‘lajak biologiya o‘qituvchilarining biologik fanlardan amaliy-pedagogik faoliyatga tayyorlash, mashg‘ulotlar davomida o‘zlashtirgan nazariy bilimlarini kasbiy faoliyatlarida samarali qo‘llay olish, raqamli ta'lim muhitida muvaffaqiyatli tadbiq etish kompetensiyalarni shakllantirishga imkon yaratadi.
2. Kvaziprofessional faoliyat akademik o‘quv faoliyatidan ta'lim va kasbiy faoliyatga o‘tish bosqichi sifatida kontekstli o‘qitish modeli va texnologiyasi nuqtai nazaridan, kvaziprofessional faoliyatni kasbiy faoliyatning fan mazmuni bilan bog‘liq o‘quv mashg‘ulotlarida (turli shakldagi amaliy mashg‘ulotlar, talabalarning o‘quv tadqiqotchilik ishlari, ishbop o‘yinlar va sh.k.) o‘qituvchi va talaba faoliyatining o‘zaro muvofiqligini ta'minlovchi mutaxassis shaxsini rivojlantirishda kasbiy faoliyatga tayyorlash jarayonini nazorat qilish vositasi hisoblanadi.
3. Kvaziprofessional faoliyat, tor ma'noda, kontekstli ta'limda o‘quv faoliyatining bir shakli sifatida, keng ma'noda ta'lim sohasida mutaxassislarni tayyorlash sohasidagi universal faoliyat sifatida qaraladi (pedagogik, texnik, malaka oshirish va boshqalar.), kelgusidagi (haqiqiy) kasb kontekstini belgilaydi. Umuman olganda, kvaziprofessional faoliyat talabalar dunyosining professional qiyofasi shakllanadigan maxsus makonni belgilaydi.
4. Kvaziprofessional faoliyatning tarkibiy komponentlari: fanga oid (o‘quv topshiriqlari, modellar va vaziyatlar tizimi yordamida bilim, ko‘nikma va malakalarni va kasbiy faoliyat tajribalarini egallash); ijtimoiy (ta'lim jarayoni ishtirokchilari faoliyatini qabul qilingan ijtimoiy me'yor munosabatlariga muvofiq o‘zaro ta'siri); psixologik (kasbga "kirish" madaniyatning qismi sifatida uning me'yorlari, qoidalari va qadriyatlar orqali o‘zlashtirilishi) tashkil etiladi hamda quyidagi funksiyalarni bajaradi: BKM o‘zlashtirish darajasini orttirish, tizimli bilimlarni shakllantirish, kasbiy tayyorgarlik darajasini orttirish, ta'lim mazmunini yaxlit o‘zlashtirish.
5. Kvaziprofessional faoliyat tarkibiy tuzilishi: dars mashg‘ulotlarida kvaziprofessional faoliyatni takomillashtirish; mustaqil ishlarni bajarish jarayonida talabalarda ijodiy firklash qobiliyatini rivojlantirish; to‘garak mashg‘ulotlarida kvaziprofessional faoliyatni takomillashtirish; pedagogik amaliyot jarayonida kvaziprofessional faoliyatni takomillashtirish ishlab chiqilgan model bloklari asosida amalga oshiriladi.