Тарқатма ва тақдимот материаллари

Динамика индекслари икки ва ундан ортиқ даврлар ичида ўрганилаётган ҳодисаларнинг ҳақиқатда қандай ўзгаришини ифодалайди.

Шартнома ва давлат буюртмалари бажарилиши индекслари, биринчидан, корхона билан корхона ўртасидаги шартномаларнинг, иккинчидан, корхоналар томонидан давлат буюртмаларининг ҳақиқатда қай даражада бажарилганини белгилайди.

Ҳудудий индекслар турли объект ёки ҳудудларга тегишли иқтисодий ҳодисаларнинг ўзаро нисбатини кўрсатади.

Аналитик индекслар ёрдамида турли унсурлардан ташкил топган мураккаб иқтисодий ҳодисаларнинг умумий ўзгаришлари, уларнинг шаклланишида айрим омилларнинг роли аниқланади.

Индексларни ҳисоблашда иккита давр қатнашади, бири-жорий (ҳисобот), иккинчиси – ўтган, базис давр деб аталади. Жорий давр дейилганда индекслаштирилаётган ҳодисанинг солиштирилаётган даражаси тушунилади. У «1» сатр ости ишорачаси билан ифодаланади. Базис давр дейилганда таққослаш асоси қилиб олинган даража тушунилади, уни «0» сатр ости ишорачаси орқали ифодалаш қабул қилинган, I ва I лар эса алоҳида ва умумий индексларни ифодалайди.

Амалиётда асосан қуйидаги индувидуал индекслар қўлланилади:

Бир хил турдаги маҳсулот бўйича	Индувидуал индекслар
1. Миқдор индекси
2. Баҳо индекси
3.Таннарх индекси
4.Вақт сарфи индекси
5. Меҳнат унумдорлиги индекси