Taqri z talaba rahmidinova sevara

Ana shu yuqoridagilarni amalga oshirish natijasida tuzilgan ekologik monitoring sistemasining asosiy vazifasi mavjud axborotlar asosida Farg’ona vodiysidagi bo’layotgan xodisa va jarayonlarni uzluksiz ravishda kuzatish, baholash, bashorat qilish uchun tavsiyanomalar ishlab chiqish, tekshirishdan iborat va jarayonlar mo’ljaldan oshgan bo’lsa, boshqarishga tuzatishlar kiritib turishdan iborat bo’ladi.

Kurs ishining predmeti: ekologik ekspertizani tashkil etish va oʼtkazish jarayonida yuzaga keladigan ekologik-iqtisodiy munosabatlar hisoblanadi. Bunda asosiy maqsad tabiat va jamiyat oʼrtasidagi oʼzaro aloqalarda ayni bir vaqtda maqbul muvozanatni saqlab qolgan xolda iqtisodiyotni barqaror rivojlantirish va tabiiy muhit holatini yaxshilashga erishish muammolarining optimal yechimini topishdan iborat.
Kurs ishining obʼekti gʼoyat xilma-xil boʼlib, ular turli miqyos va darajadagi ekologik-iqtisodiy tizimlarni oʼz ichiga oladi. Ular qatoriga quyidagilar kiradi: davlat dasturlarining, konstseptsiyalarining, ishlab chiqarish kuchlarini, iqtisodiy va ijtimoiy soha tarmoqlarini joylashtirish hamda rivojlantirish shemalarining (tarxlari)loyixalari; qurilish uchun yer ajratish materiallari; loyiha oldi va loyiha xujjatlari; normativ-texnik va yoʼriqnoma-uslubiy xujjatlarining loyihalari; texnika, texnologiya, materiallar, moddalar, mahsulotlarning yangi turlarini yaratishga doir xujjatlar; turli ishlab turgan korxonalar va boshqa obʼektlar; alohida muhofaza qilinadigan tabiiy hududlar, favqulotda ekologik vaziyat va ekologik ofat zonalari materiallari; shaharsozlik xujjatlari; maxsus huquqiy rejimli obʼektlar va boshqalar. Ekologik ekspertiza fanining asosiy ilmiy-tadqiqot metodlari qatoriga tizimli taxlil, guruhlash, ekologik-iqtisodiy baholash va qiyosiy taxlil, hisob-analitik (taxlil), sintez, balans, normativ, ekspert baholash va boshqa metodlar kiradi. Аyniqsa normativ tadqiqot metodlari, shu jumladan ekologik normatimv metodlari (yoʼl qoʼyish mumkin boʼlgan kontsentratsiyaning eng yuqori darajasi, yashil zonalar normalari va bosh.) tabiatga antropogen taʼsirning yoʼl qoʼyish mumkin boʼlgan obʼektiv chegaralarini aniqlashga imkon beradi.