Ta`lim vazirligi

Mavzuning dolzarbligi: iqtisodiy islohotlar izchil amalga oshirilayotgan hozirgi davrda aholini oziq – ovqat mahsulotlariga bo’lgan talabini to’laroq qondirish va bu sohadagi ta’minotni tubdan yaxshilash hozirgi kundagi eng dolzarb masalalardan biridir. Barchamizga ma’lumki, aholi sonining tez sur’atlar bilan ortib borayotganligi, ozuqaga bo’lgan talabning ham ortib borishiga olib kelmoqda. Qolaversa bugungi ekologik vaziyatning o’zgarayotganligi ham nafaqat o’simliklar dunyosining o’zgarishiga, balki, insoniyat olami vakillaridagi turli tuman kasalliklarga sabab bo’lib kelmoqda. Yuqoridagi holatlarni bartaraf etilishida o’simliklar asosiy o’rinni egallaydi. Ayniqsa, don va don mahsulotlariga bo’lgan talab dunyo ehtiyojiga aylanib bormoqda.
Ishning maqsad va vazifalari: Aholi sonining ortib borayotganligi sababli don zahiralarini ko’paytirish, ularni tejab ishlatish, iloji boricha nobud qilmasdan yig’ib olish, hamda fan – texnika yutuqlaridan foydalanib, don va don mahsulotlarini qayta ishlash va saqlash muhim vazifalardan bo’lib hisoblanadi. Seleksiya usullarini qo’llash asosida sug’oriladigan va lalmi maydonlar uchun qattiq va yumshoq bug’doyning yuqori sifat ko’rsatgichlariga ega, kasallik va zararkunandalarga qarshi chidamli, raqobatbardosh yangi navlarini yaratish, mintaqalarning tabiiy iqlim sharoitlariga mos xorijiy va mahalliy navlarni tanlash, suv bilan yetarli taminlanmagan va qurg’oqchilik sharoitida boshoqli don ekinlaridan yuqori hosil olish bo’yicha izlanishlar olib borish hamda zamonaviy agrotexnologiyalarni ishlab chiqish va joriy etish, boshoqli don ekinlarini yanada yangi xususiyatlarini o’rganib, yuqori hosil olish usullarini izlab topishdan iborat.
Ishning ilmiy ahamiyati: Boshoqli don ekinlari ozuqaboplik jihatidan o’simliklar dunyosida katta o’rinni egallaydi. Tarkibida hayot uchun doimiy zarur bo’lgan barcha to’yimli ozuqaviy mahsulotlarni, jumladan, oqsil, kraxmal, vitamin, uglevodlar, moy, destrin, mineral tuzlar, klechatka, karbon suvlari va boshqa biologik faol moddalarni saqlaydi.