Таълим вазирлиги фарғона политехника институти

(3) Иқтисод, сиёсат, маънавият уйғунлиги - миллий дунёқарашимизнинг таянч нуқталаридан бири, инсон ва жамият ҳаёти ушбу уч соҳадан (уч йўналишдан) иборат бўлиб, инсон ва жамият камолотининг асоси уларнинг ўзаро уйғун ривожида эканлиги.
(3) Иқтисод - инсон ва жамият ҳаётининг уч асосий соҳасидан (йўналишидан) бири, ҳар бир инсоннинг атроф-табиат (моддий воқелик)ка амалий муносабати.
(3) Сиёсат - инсон ва жамият ҳаётининг уч асосий соҳасидан (йўналишидан) бири, ҳар бир инсоннинг ўзга инсонлар билан бевосита муносабатлари. Сиёсат соҳаси ўз навбатида ахлоқ ва ҳуқуқ қатламларидан иборат бўлиб, уларнинг ҳар бирини ўрганувчи алоҳида фан йўналишлари мавжуд.
(3) Сиёсатда ҳуқуқ қатлами – инсонлар аро муносабатларнинг қонунлар орқали тартибга солиниши.
(3) Сиёсатда ахлоқ қатлами - инсонлар аро муносабатларнинг муайян маънавий қадриятлар асосида мувозанатда сақланиши.
(3)Сиёсий адолат – сиёсий ҳокимиятнинг ягона манбаи халқ иродаси деб тан олиниши ва Қонун устиворлиги тамойилига қатъий риоя қилиниши.
(3)Ижтимоий адолат –барча ижтимоий тоифаларнинг жамиятда ўз ўрни мавжудлигини ва қонун олдида уларнинг ўзаро тенг ҳуқуқларга эга эканлигини эътироф этиш.
(3)Иқтисодий адолат – бозор иқтисоди қонуниятларига (мулк шаклларини эркин танлаш ҳуқуқи, талаб ва таклиф эркинлиги, эркин рақобат тамойилларига) риоя қилиш.
(3)Иқтисодий муносабатлар - ҳар бир инсоннинг ўз моддий эҳтиёжларини қондириш мақсадида ўзга инсонлар билан турли муносабатларга киришуви.
(3)Шахснинг иқтисодий мустақиллик масъулияти – ҳар бир балоғат ёшидаги инсон ўзи ва ўз қўл остидагилар моддий эҳтиёжларини мустақил равишда ва ҳалол йўл билан таъминлаш заруратини тўғри англаб етиб шунга яраша ҳаракатда бўлиши.Инсон - ҳайвон эмас, аммо фаришта ҳам эмас. Унга фақат биологик мавжудот деб қараш етарли бўлмаса-да, аммо моддий мавжудлигини таъминлаш эҳтиёжи ва ўзидан сўнг зурриёт қолдириш вазифаси ҳар бир инсонда мавжуд эканлигини ҳам инкор этиб бўлмайди. Инсон ўз моддий мавжудлигини умр бўйи, узлуксиз таъминлаб боришга мажбур, бусиз у ўзга ҳеч қандай вазифани бажара олиш имконини топмайди.