Таълим вазирлиги фарғона политехника институти

(2)Жон – биологик мавжудотлар (ҳайвонлар ва инсонлар) учун хос бўлган тириклик ва эркин ҳаракатга қобилликни англатувчи тимсол-тушунча.
(2)Руҳ – илоҳий китоб (Қуръони карим) оятлари мазмунига биноан Аллоҳ томонидан фақат инсонга инъом этилган алоҳида ғайбий қувват бўлиб, бани одамнинг маънавий камолот касб этиш имкониятининг асосидир.
(2) Ахлоқ - ҳар бир шахс маънавиятининг унинг хулқида, ўзга инсонларга муносабатида акс этиши, юзага чиқиши. Маънавият ва сиёсат соҳаларининг кесишувида намоён бўлади.
(2)Ахлоқий фазилатлар – шахс маънавияти турли қирраларининг инсон амалий фаолиятида доимий асосда намоён бўлиши, инсон қалбидаги маънавият нурининг жилолари.
(2)Қадр – Холиқи олам иродаси ва қудрати билан яратилган ҳар бир мавжудотнинг оламдаги ўзига яраша ўрни ва салмоғи, ҳар бир инсонга яратилишдан ато этилган илоҳий неъмат. Ҳақиқий Шахс даражасига етишган инсон ўз қадрини, шу билан бирга ёруғ оламдаги барча ашё ва мавжудотлар қадрини муайян даражада англаб етган, шу асосда жамиятнинг фаол аъзосига айланган инсон бўлади. "Мен Аллоҳ томонидан ер юзида халифа этиб яратилганман", деб ўзликни англаб етиш - ўз қадрини тўғри баҳолашнинг пойдеворидир. Ўз қадрини англаб етиш баробарида ҳар бир инсон ўзга инсонлар ҳам ер юзида халифа эканлигига имон келтириб, уларнинг ҳам қадрини ўзидан кам билмайди. Қадр тимсол-тушунчаси маънавиятга оид бўлиб, уни иқтисод соҳасига татбиқ этилса, қиймат ва баҳога, сиёсатда мавқеъ ва мақомга айланади.
(2) Фаросат - воқеликни аслига мувофиқ идрок этиш, унга тўғри муносабат ҳосил қила билмоқлик, шу билан бирга воқелик талабига мувофиқ тадбир ишлаб чиқиб, уни ҳаётга татбиқ эта билишдир. Бунинг учун инсон, аввало, ўз ҳолини тўғри идрок этиши, иккинчидан, ўзгани тушуниш, ўзгаларнинг эҳтиёжи, хоҳиши, имкони ҳақида тўғри тасаввур ҳосил қила билиши керак.
(2)Санъат - Борлиқ ҳақиқатини англаб етиш ва англатишнинг мустақил йўли, тахайюл ўйинлари воситасида Борлиқ ҳақиқатини моделлаштиришга уриниш. Санъат маълум маънода инсониятнинг болалик одатидан ривожланиб чиққан. Бола ўйнайди, ўйин орқали ҳаётий кўникмалар ҳосил қилиб боради. Санъат турлари ҳам ўйнаб туриб ўргатади, унинг тимсоллари ҳаёт ибратларидир. Боланинг ўйини - беғараз. Катталарнинг ўйинига эса доимо ғараз хавф солиб туради. Аммо ҳақиқий санъаткор ўз ишига беғараз ёндошсагина, у ҳаёт ҳақиқатини уйғун акс эттира олади.