Таълим вазирлиги фарғона политехника институти

(2)Халқ ижоди – Борлиқ ҳақиқатини англаб етиш ва англатишнинг мустақил йўли бўлиб, икки йўналишда намоён бўлади 1) халқ бадиий ижоди, мумтоз санъат намуналаридан муайян жиҳатларига кўра фарқ қилади, масалан, халқ ижоди намуналарида анъанавийлик, ижод ва ижро яхлитлиги, сўз, ҳаракат ва мусиқа уйғунлиги ёрқин намоён бўлади, бир асар устоздан шогирдга ўтган сари сайқал топиб боради, яъни ижодий жараён давомийлик касб этиб, муаллифлик якка бир шахс доирасидан ташқари чиқади;.2) халқ амалий санъати, халқ ижодининг бу турида яратилган ашёлар бир пайтнинг ўзида икки йўналишда – ҳам амалий (утилитар), ҳам эстетик вазифа бажариши билан соф санъат асарларидан фарқланади.
(2)Маросимлар – Борлиқ ҳақиқатини англаб етиш ва англатишнинг мустақил йўли, улар икки турли бўлади: 1)асотир маросимлар (мифологик ритуаллар), улар инсониятнинг ибтидоий тафаккурига хос бўлиб, муайян нарса-ҳодисалар ва хатти-ҳаракатларнинг инсон ва табиат ҳаётига сирли таъсири бор, деган ақидага таянади. (2) анъанавий урф-одатлар, эл орасида жорий бўлган расм-русумлар, уларнинг аксарияти муайян тарбиявий аҳамиятга эга бўлиб, шу жиҳатдан болалар ўйини ва халқ ижоди намуналарига ёндош туради.
3 Мавзу
(3)Мавқе – ҳар бир инсоннинг жамиятда ишғол этиб турган муайян ўрни, қадри ва қудрати. Сиёсатдаги ҳуқуқ, бурч, имтиёз ҳодисаларининг тагзаминида айни шу инсонларнинг бир-бирига нисбатан мавқе ва мақоми масаласи жой олгандир.
(3)Кўп қутбли дунё – миллий дунёқарашимизнинг таянч нуқталаридан бири, биз кўриб турган оламнинг иқтисодий, сиёсий, маънавий соҳаларда юксак қудрат ва мавқеъ касб этган шахслар, гуруҳлар, давлатлар, минтақалар хилма-хиллигидан ташкил топган эканлиги.
(3) Инсон – дунё меҳвари - Миллий дунёқарашимизнинг таянч нуқталаридан бири, маънавият нуқтаи назаридан, ҳар бир инсонга, имконият (потенция) даражасида, бу моддий оламнинг маркази деб қараш, чунки у Аллоҳ томонидан "ер юзининг халифаси" қилиб яратилган ва унинг қалби Борлиқ ҳақиқатининг мазҳари (намоён бўлиш жойи)дир. Шундай экан, ҳар бир инсон, агар астойдил хоҳласа, бутун олам ҳолатига сезиларли таъсир кўрсатиш имконига эга.