Ta’lim to’g‘risidagi Qonun

3. Kadrlar tayyorlash tizimida ijtimoiy muxofaza va moddiy ta’minot masalasi

Milliy dastur kadrlar tayyorlash tizimining yangi modelining tashkil etuvchilaridan biri bo‘lgan ilm-fan va ishlab – chiqarishga alohida e’tibor beradi.

Kadrlar tayyorlash tizimida fan quyidagi vazifalarni bajaradi:

• 
  oliy malakali raqobatbardosh kadrlarni tayyorlashga buyurtmachi va kadrlarning iste’molchisidir;
  
• 
  ta’lim, ilm-fan va ishlab chiqarish uchun yuqori malakali mutaxassislarni tayyorlaydi;
  
• 
  uzluksiz ta’limning barcha shoxobchalarida o‘quv-tarbiya jarayonini ilmiy-metodik ta’minlanishini bajaradi.
  

Milliy dasturda fanning quyidagi eng muxim vazifalari qayd qilingan:

• 
  uzluksiz ta’lim bilan birlashishga sharoitlar yaratish, masalan, o‘quv-ilmiy kompleksi (markazi, parki, texnopolis va shu kabilar);
  
• 
  mamlakatimiz ilmiy potensialining shakllanishida ertangi kun talabiga mos raqobatbardosh oliy malakali kadrlarni tayyorlash;
  
• 
  ilmiy-tadqiqot ishlarini olib borish va ularning natijalarini o‘z vaqtida o‘quv-tarbiya jarayoniga qo‘llash;
  
• 
  kadrlar tayyorlashni davlat iqtisodiy tizimining imkoniyatlari va real talablariga yo‘naltirish;
  
• 
  iqtisodiyotning ustuvor tarmoqlari uchun yuqori malakali kadrlar tayyorlashni bashorat qilish;
  
• 
  kadrlar etishtirishning poydevori sifatida uzluksiz ta’lim tizimining samarali faolligini ta’minlovchi ilmiy-tadqiqot ishlarini olib borish.
  

Zikr qilingan vazifalar mamlakatimiz ilmiysalohiyatini shakllantirish, oliy malakali kadrlarni ildam tayyorlashdek ustuvor muammoni hal etishga yo‘naltirilgan. Milliy dastur quyilgan vazifalarni echish uchun ilm-fanni moliyalash manbalari va moddiy texnikaviy ta’minlanishi, shuningdek aktiv ijtimoiy siyosatni ruyobga chiqarishni nazarda tutadi.