Ta’lim to’g‘risidagi Qonun

2. Malakali kadrlar tayyorlash asoslari, kadrlar raqobatbardoshligi

Kadrlar tayyorlash tizimida uzluksiz ta’lim poydevor hisoblanadi. Uzluksiz ta’limda shaxs o‘zining xayot yo‘lini tanlash, kasb egallash va kasbiy qobiliyatlarini takomillashtirish imkoniyatlarini amalga oshiradi. Milliy b\dastur uzluksiz ta’lim tizimining mazmuni va tuzilmasini isloh qilishni nazarda tutadi. Tuzilma va mazmun rivojlanib borayotgan bozor munosabatlari, davlat va jamiyat, shaxs talablariga javob berishi lozim.

Isloh qilinayotgan uzluksiz ta’lim tizimi quyidagilarni o‘z ichiga oladi:

• 
  akkreditatsiya va litsenziyaga ega bo‘lgan xar xil huquqiy-tashkiliy ko‘rinish, shakl va turdagi o‘quv yurtlari;
  
• 
  ta’lim tizimining faolligini hamda rivojlanishini ta’minlaydigan ilmiy tadqiqotlar olib boruvchi muassasa, korxona va tashkilotlar;
  
• 
  barcha bosqich va tabaqadagi ta’limni boshqaruvchi organlar sistemasi va shuningdek ularning tasarrufidagi korxona, muassasa va tashkilotlar;
  
• 
  ta’lim tizimining faolligi va rivojlanishiga moyillik qiluvchi, yordam beruvchi ilmiy va jamoat tashkilotlari, hamda ushyumalar (vasiylar kengashi, ijodiy uyushmalar, kasbiy tashkilotlar, ilmiy-metodik kengashlar va boshqa birlashmalar).
  

Muayyan kompleksning shakllanishi ta’limning davlat standartlari, namunaviy o‘quv planlari, turli xil yo‘nalishlar va tabaqalar uchun uzviy ta’lim dasturlari hamda tegishli o‘qitish vositalari bilan ta’minlanadi.