Тактиканинг фан сифатида вазифалари

Jang olib borishning faolligi, qat’iyligi, uzluksizligi dushmanni yakson qilishga bo‘lgan doimiy intilishdan, unga barcha vositalardan o‘t ochib shikast etkazish, o‘zining kechayu-kunduz, har qanday ob-havo sharoitlarida sabot bilan amalga oshiriladigan jasurona, mardona harakatlari bilan dushmanni o‘z irodasiga bo‘ysundirishdan iborat. Dushmanni aldash choralarini ko‘rgan holda kutilmaganda harakat qilish, uni g‘aflat va sarosimaga solish uchun, unda vahima uyg‘otish hamda son jihatdan ustun bo‘lgan dushman ustidan ham g‘alaba qozonish uchun qulay sharoitlarni yaratishga imkon beradi.

Motoo‘qchi (tank) guruhi (seksiya, tank) tunda va ko‘rish imkoniyatlari cheklangan boshqa sharoitlarda mohirlik bilan jang olib bora olishi lozim. Tun dushman joylashgan erga yashirin ravishda kirib borish va unga kutilmaganda hujum qilish imkoniyatini yaratadi. Tungi sharoitlarda jang olib borish jangovar vazifani bajarishga puxta tayyorgarlik ko‘rish, yuksak jangovar mahorat, mashq qilish, jasurlik, yo‘nalishni topa olish, tunda ko‘rish asboblari, yoritish va nishonni ko‘rsatish vositalaridan foydalana olishni talab qiladi.

2. MUDOFAA
Umumiy qoidalar

Mudofaa kuch jihatidan ustun bo‘lgan dushmanning hujumini qaytarish, unga juda ko‘p miqdorda talafot etkazish, joydagi muhim rayonlarni (ob’ektlarni) saqlab qolish va bu bilan hujumga o‘tish uchun qulay sharoitlar yaratish maqsadlarida amalga oshiriladi.

Mudofaa dushmanga bevosita duch kelgan yoki duch kelmagan sharoitlarda oldindan tayyorlanishi yoki jang davomida tashkil etilishi mumkin.