Тадбиркорлик фаолиятининг давлат томонидан тартибга солиниши тушунчаси ва моҳияти

Солиқ текширувларини ўтказишга доир қўшимча шартлар
Давлат солиқ хизмати органи режали солиқ текшируви ўтказишнинг бошланиши ҳақида текширувни ўтказиш бошланишидан камида ўттиз кален­дар кун олдин тадбиркорлик субектини текширувдан ўтказиш муддатлари ва предметини кўрсатган ҳолда ёзма шаклда хабардор қилиши шарт.
Давлат солиқ хизмати органлари томонидан бошқа туманларда (шаҳарларда) давлат рўйхатидан ўтган тадбиркорлик субектларида солиқ текширувлари ўтказиш, уларнинг ишлаб чиқариш бинолари, савдо нуқталари ва хизматлар кўрсатиш (ишлар бажариш) жойи қаерда жойлашганлигидан қатъи назар, такрорлашга йўл қўйилмаган ҳолда тадбиркорлик субекти давлат рўйхатидан ўтказилган жойдаги тегишли давлат солиқ хизмати органлари билан бир вақтда амалга оширилади.
Солиқ текшируви давлат солиқ хизмати органи раҳбари ёки раҳбар ўринбосари томонидан тасдиқланган солиқ текшируви ўтказиш дастурига мувофиқ амалга оширилади.
Солиқ текширувини ўтказиш дастурида қуйидагилар кўрсатилиши керак:

• 
  солиқ текшируви ўтказилаётганда ўрганиладиган масала ёки масалалар доираси;
  
• 
  солиқ текшируви солиқ тўғрисидаги қайси қонун ҳужжатларига риоя этилишини ўрганиш учун ўтказиладиган бўлса, шу қонун ҳужжатларининг рўйхати;
  
• 
  текширув туридан келиб чиққан ҳолда бошқа маълумотлар.
  

Солиқ текширувини ўтказиш дастурини тузиш қоидалари назорат қилувчи органлар фаолиятини мувофиқлаштирувчи махсус ваколатли орган билан келишилган ҳолда Ўзбекистон Республикаси Давлат солиқ қўмитаси томонидан белгиланади.
Солиқ текшируви тадбиркорлик субектининг текширув ўтказилаётган йилдан бевосита олдинги кўпи билан беш календар йилдаги фаолиятини қамраб олиши мумкин.
Солиқ текширувлари ўтказилаётганда давлат солиқ хизмати органлари Ўзбекистон Республикасининг Солиқ кодексида белгиланган тартибда тадбиркорлик субектининг ҳудуди ва жойларини текширишга, мол-мулкни инвентаризация қилишга, ҳужжатларни талаб қилиб олишга, ҳужжатлар ва предметларни олиб қўйишга, тадбиркорлик субектидан, шунингдек, тадбиркорлик субектининг раҳбарлик вазифаларини ёки бухгалтерия ҳисоби ва молиявий бошқарувини амалга ошираётган шахслардан, бошқа моддий жавобгар ходимларидан тушунтиришлар олишга, банкдаги ҳисобварақлари бўйича операцияларни тўхтатиб туриш чораларини кўришга, экспертни жалб этиш ва экспертиза тайинлашга, солиқ тўғрисидаги қонун ҳужжатларининг аниқланган бузилишлари бартараф этилишини талаб қилишга, қонун ҳужжатларида назарда тутилган бошқа ҳаракатларни амалга оширишга ҳақли.
Солиқ текширувлари ўтказилаётган даврда текширилаётган даврнинг солиқ ҳисоботига тадбиркорлик субекти томонидан ўзгартишлар ва қўшимчалар киритилишига йўл қўйилмайди.