Тадбиркорлик фаолиятининг давлат томонидан тартибга солиниши тушунчаси ва моҳияти

Солиқ текширувини ўтказишнинг бошланиши
Давлат солиқ хизмати органининг мансабдор шахси солиқ текширувини ўтказишни бошлашдан олдин нақд пул тушумларига тааллуқли масалалар юзасидан қисқа муддатли текширув ўтказилаётганда эса солиқ текшируви тугаллангунига қадар:

• 
  тадбиркорлик субектини солиқ текширувининг мақсади билан таништириши;
  
• 
  ўзининг хизмат гувоҳномасини, шунингдек, текширишларни ўтказишга рухсат берилганлиги тўғрисидаги махсус гувоҳномасини кўрсатиши;
  
• 
  қонун ҳужжатларида белгиланган тартибда текширишларни қайд этиш дафтарини тўлдириши;
  
• 
  солиқ тўловчига тадбиркорлик субектлари фаолиятини текширишларни амалга оширишнинг мувофиқлаштириш режасидан кўчирма нусхасини ёки назорат қилувчи органлар фаолиятини мувофиқлаштирувчи махсус ваколатли органнинг режадан ташқари солиқ текшируви ўтказиш тўғрисидаги қарори кўчирма нусхасини;
  
• 
  шунингдек, давлат солиқ хизмати органининг тегишли солиқ текшируви тайинланганлиги тўғрисидаги буйруғининг ҳамда солиқ текширувини ўтказиш дастурининг кўчирма нусхаларини топшириб тилхат олиши шарт.
  

Юқорида кўрсатилган ҳужжатлар тадбиркорлик субектига топширилган пайт солиқ текширувини ўтказиш бошланган пайт деб ҳисобланади. Тадбиркорлик субектининг мазкур ҳужжатларни олишдан бош тортганлиги солиқ текширувини бекор қилиш учун асос бўлмайди. Тадбиркорлик субекти мазкур ҳужжатларни олишдан бош тортган тақдирда давлат солиқ хизмати органи мансабдор шахси томонидан унинг ўзи ва тадбиркорлик субекти имзолайдиган далолатнома тузилади. Тадбиркорлик субекти ушбу далолатномани имзолашдан бош тортган тақдирда бу ҳақида далолатномага тегишли ёзув киритилади. Бундай ҳолда далолатнома имзоланган пайт солиқ текширувини ўтказишнинг бошланиши ҳисобланади.
Давлат солиқ хизмати органи мансабдор шахсларининг ўз хизмат вазифаларини бажаришига тўсқинлик қилганлик учун жавобгарликка тортилганлик солиқ текширувини бекор қилиш учун асос бўлмайди.