Tabiiy tolalar va matoga ishlov berish

Шуни қайд этиб ўтамизки, ихтиронинг саноатда қўлланилиши уни кўплаб марта нусха кўчириб кўпайтиришни талаб қилишни билдирмайди. Умуман олганда ихтиро ўзига хос, бетакрор шароитлардаги ягона вазифани ҳал қилиш учун ҳам яратилиши мумкин. Масалан, бундай вазифа чўкиб кетган муайян кемани сув тубидан кўтариш, ноёб космик станцияни ишга тушириш кабилардан иборат бўлиши мумкин.

11-Tematik ma’ruza
Mavzu: Ixtirolarni patentlash. Ixtiroga patent olish uchun tuziladigan talabnoma xujjatlari tarkibi

Ихтирога бериладиган патент ҳуқуқий ҳужжат ҳисобланади. Шунинг учун патент экспертизаси томонидан текшириладиган биринчи шарт талабномада зарур ҳужжатларнинг мавжудлиги ва уларнинг тўғри расмийлаштирилганлигидир. Ушбу талабнома бўйича патент берилиши ёки берилмаслиги айнан патент олиш учун берилган талабнома қанчалик пухта ўйлаб тузилганлиги ва тўғри расмийлаштирилганлигига боғлиқ.

Талабнома ҳужжатларининг мазмуни ва расмийлаштирилишига қўйиладиган талаблар Узбекистон Республикасининг "Ихтиролар, фойдали моделлар ва саноат намуналари тўғрисида"ги Қонунининг тегишли моддаларига мувофиқ Давлат патент идораси томонидан тасдиқланган Ихтиролар ва фойдали моделларга талабномларни тузиш ва тақдим этиш қоидалари билан белгиланади.
Ушбу талабларга мувофиц ихтирога патент ёки дастлабки патент олиш учун берилган ҳар бир талабнома ўз ичига цуйидаги ҳужжатлар тўпламини олиши зарур:

1. 
   Патент ёки дастлабки патент бериш тўғрисидаги ариза. Ариза асосий ҳужжат бўлиб, унда талабнома ким томонидан берилаяпти ва патент ёки дастлабки патент кимнинг номига сўралаяпти, яъни ихтиро патентга лаёқатли деб топилган ҳолда ихтирога мутлақ ҳуқуқлар кимга тегишли бўлади, деган саволларга жавоб бўлиши керак. Аризада ихтиро муаллифи (муаллифлари), талабнома берувчи (масалан, агар талабнома берувчи муаллифнинг иш берувчиси, унинг меросхўри ёки бошқа ҳуқуқий вориси), муҳофаза ҳужжати кимнинг номига сўралаётган бўлса шу шахс (бўлажак патент эгаси) тўгрисидаги тўлиқ маълумотлар, шунингдек уларнинг манзиллари кўрсатилади. Ариза албатта барча муаллифлар ва талабнома берувчи (агар талабнома берувчи юридик шахс бўлса имзо муҳр билан тасдиқланади) томонидан имзоланиши шарт;