Т р. Мавзулар Соат

Йирик мойчечак (Leucanthemum maximum) – Мураккабгулдошлар оиласига мансуб кўп йиллик илдизпояли ўт ўсимлик. Ватани Пиренея. Манзарали ва доривор ўсимлик сифатида фойдаланилади.
Ёруғсевар, соя жойда гуллари майда бўлиб очилади. Совуққа анчагина бардошли. Нейтрал ёки ишқорийлги паст бўлган тупроқни талаб қилади. Қурғоқчиликка бардошли. Бир жойда 5-7 йил манзаралилигини йўқотмай ўсади.
Уруғлари, қаламчалари ва бўлинган туплари орқали кўпайтирилади. Уруғлари сентябр-октябр ойларида сепилади. Майсалари қишнинг совуғидан зарарланмайди. Тупини бўлиш учун 3 ёшдан катта ўсимлик танланади.
Гуруҳлаб экишда, миксобардёрларда ва гулдасталар тайёрлашда фойдаланилади.
Дурагай рудбекия (Rudbeckia fulgida) – Мураккабгулдошлар оиласига мансуб кўп йиллик ўтсимон ўсимлик. Ватани Шимолий Америка. Шимолий Америка прерияларида, Калифорнияда, АҚШнинг жанубида ва Шимолий Мексикада – манзарали ёввойи ўсимлик сифатида ўсади.
Ёруғсевар, лекин қисман соя қилинган жойларда ҳам яхши ўсади. Совуққа ва қурғоқчиликка бардошли. Уруғларидан ва тупини бўлиш орқали кўпайтирилади. Уруғлари октябр ойида сепилади. Майсалар қишда совуқдан зарарланмайди. Тупини бўлиш ишлари феврал-март ойларида амалга оширилади. Гуллаб бўлган саватчалари ва илдиз бўғзидан ҳосил бўлган тўпбарглар олиб ташланса манзаралилиги янада ошади.
Рабаткаларда, гуруҳлар ташкил этишда, миксобардёрларда экиш тавсия этилади. Бир жойда 5 йилгача ўсади.
Гулсафсар (Iris L.) – Гулсафсардошлар оиласига мансуб кўп йиллик, илдизпояли ўт ўсимлик. 200 га яқин турни ўз ичига олади. Кўплаб форма ва дурагайлари мавжуд.
Дурагай гулсафсар (Iris hybrida) – мингдан ортиқ навларнинг умумлаштирилган номи. Ўта манзарали, илдизпояли, кўп йиллик ўт ўсимлик.
Ёруғсевар, лекин ярим сояда ҳам яхши ўсади. Қурғоқчиликка ва бошқа омиллар таъсирига бардошли. Баҳорда ва кузда содир бўладиган кечки ва эртанги совуқларга ўта бардошли. Қишда ўсимликларнинг эски барглари нобуд бўлса, 3-5 см ли янги барглар яшиллигича сақланади.
Рабатка, бордюр ва гуруҳлар ташкил қилишда фойдаланилади. Соф навлари алоҳида экилганда жуда манзарали кўринади.
Дурагай канна (шойигул) (Саппа X generalis Bailey) –1000 дан ортиқ турлараро ва навлараро дурагайларнинг умумлаштирилган номи бўлиб, Каннадошлар оиласига мансуб кўп йиллик, йўғон илдизпояли ўт ўсимлик. Ёввойи турлари Америка (қисман Жануби-шарқий Осиё ва Хиндистон) даги тропик ва субтропик зона текисликларида ва 3000 м гача бўлган тоғ ёнбағирларида ўсади.
Ёруғсевар. Қуёшнинг тик нурлари ва юқори ҳароратга, тутунга бардошли. Ҳарорат 40-50 даража бўлганида ҳам барглари куйиб қолмайди. Намликни талаб қилади. Иссиқсевар, аммо ёзда ҳаво нисбий намлиги пасайганда гуллашдан тўхтайди. Ўзбекистон шароитида очиқ жойда қишламайди. Илдизпоясини ажратиш орқали кўпайтирилади. Клумбаларда, гуруҳлаб экишда, ландшайт дизайнида фойдаланилади. Соф навлари алоҳида экилганда жуда чиройли кўринади.