Т р. Мавзулар Соат

Патсимон целозия (C. argеntеa f. plumosa) Амарантдошлар (Amaranthaceaye) оиласига мансуб бир йиллик ўтсимон ўсимлик. Ватани Хиндистон бўлиб, кейинроқ Жанубий ва жануби-шарқий Осиёга тарқалган. Ҳозирги пайтга келиб Африка, Шимолий ва Жанубий Американинг ёввойи табиати вакилиги айланган деган маълумотлар мавжуд.
Пушти катарантус, пушти барвинок (Catharanthus roseus) – Кендирдошлар (Аросупасеае) оиласига мансуб тропик Африкадан келиб чиққан ўсимлик. Табиий ҳолда доим яшил тик ўсувчи, айрим холларда тарвақайлаган бута шаклида ўсади. Ўз ватанида бўйи 70 см гача бўлади. Гулчиликда бир йилликлар сифатида қўлланилади.
Тагетес, бахмалгул, довудгул (Tagetes) – Мураккабгулдошлар оиласига мансуб бўйи 20-100 см гача ўсадиган бир йиллик гул. Америкада – Ню Мексикадан то Аризона ва Аргентинагача бўлган худудларда ёввойи ҳолда тарқалган. Табиатда 50 дан ортиқ тури мавжуд бўлиб, улар бир йиллик ва кўп йиллик ўтсимон ўсимликлар ҳисобланади. Новдалари тик, бақувват, ихчам ёки тарвақайлаган шаклларда. Ўзига хос ўткир хидли. Кўкаламзорлаштиришда чиннигулсимон, хризантемасимон, кўпқаватли, яримқўпқаватли ва оддий гуруҳларга киритилувчи дурагайларидан фойдаланилади.
Француз тагетеси (T. patula L.) – француз тагетеси, бир йиллик, тик пояли ўсимлик. Нью Мексикадан то Аризона ва Аргентинагача бўлган худудларда ёввойи ҳолда тарқалган тагетес турларини чатиштириш орқали олинган.
Бўйи 15-50 см гача ўсади. Барглари ўртача катталикда, патсимон қирқилган, тўқ-яшил, пояда навбатма-навбат ёки қарама-қарши жойлашган. Гуллари саватча тўпгулда жойлашган бўлиб, саватчасининг диаметри 4-6 см. Тилсимон гуллари сариқ, зарғалдоқ, лимонранг, қизғиш-жигарранг ёки тўқ-қизил рангда. Гуллари бахмалсимон, кўпинча икки хил тусда. Найсимон гуллари сариқ ёки зарғалдоқ рангда. XVI асрда маданийлаштирилган.
Африка тагетеси (T.erecta) бошқача Африка довулгули деб ҳам юритилади. Бу ўсимликнинг узунлиги 40 см дан 100 смга қадар бўлади. Пояси бақувват, гуллари қават-қават бўлиб очилади. Саватчасининг диаметри 7-15 см. Гуллари оқиш-сариқдан тўқ-зарғалдоққача.
Тагетеслар клумбаларда, бордюрларда, рабаткаларда экилади. Гуруҳлаб экилганда юқори манзара беради.