Т р. Мавзулар Соат

Денгиз лобулярияси (Lobularia maritima (L.) Desv.) –   кўп йиллик, кучли шохланган ўт ўсимлик. Ватани Ўртаерденгизи ва Макаронезия. Бўйи 15–25 см. Новдалари ярим ёғочланадиган паст бўйли ўсимлик. Эни 30-40 см кела-диган думалоқ шакл ҳосил қилиб ўсади.
Ландшафт объектларини безашда, альпинарийларда, бордюрларда, гилам ҳосил қилишни талаб этадиган композицияларда фойдаланилади.
Бутасимон астра (Symphyotrichum dumosum) – Мураккабгулдошлар оиласига мансуб кўп йиллик илдизпояли ўтсимон ўсимлик. Ватани Шимо-лий Американинг шарқий ҳудуд-лари. Табиий ҳолда дарё ва кўллар бўйида ўсади.
Жуда иссиқ ҳароратга ва қурғоқчиликка бардошсиз. Ёруғ-севар, аммо ярим соя жойда ҳам яхши ўсади. Яхши сув ўтказадиган енгил тупроқни талаб қилади. Намликка талабчан. Ҳар беш йилда тупини бўлиш орқали ёшартирилади.
Клумбалар, йўлаклар ва гиламли композициялар четида экилади. Бордюрларда қўлланилади.
Шарқ гиацинти (Hyacinthus orientalis) — Сарсабилдошлар оиласига мансуб кўп йиллик пиёзбошли ўтсимон ўсимлик. Ватани Кичик Осиё ва Ўртаер-денгизи. Баҳорда гуллайдиган манзарали ва доривор ўсимликлар гуруҳига киради. Голландияда кўплаб навлари яратилган.
Ёруғсевар, аммо ярим соя жойда ҳам яхши ўсади. Нейтрал муҳитли, енгил, унумдор ва яхши дренажланган тупроқни талаб қилади. Алоҳида парваришга муҳтож. Мўл гуллаши учун уч марта қуруқ органик ўғитлар билан озиқлантирилади. Клумба ва бордюрларда экилади.
Бетакрор нарцисс (Narcissus x incomparabilis) –Амариллисдошлар оиласига мансуб бўлиб,  N. poeticus ва N. pseudonarcissus турларини чатиштириш асосида олинган дурагай. Пиёзбошли кўп йиллик ўтсимон ўсимлик. Жанубий ва Ғарбий Европада тарқалган.
Ёруғсевар, аммо ярим сояда ҳам яхши ўсади. Енгил, унумдор тупроқни талаб қилади. Пиёзбошлари доимий жойга октябрь-ноябрь ойларида экилади. Баҳорда экилган пиёзбошлари кейинги йили гуллайди.
Гуруҳлаб экишда, газонларда, клумбаларда, йўлаклар четида экишжа фойдаланилади.