Т р. Мавзулар Соат

Хушбуй базилик, райҳон (Ocimum basilicum L.) – Лабгулдошлар оиласига мансуб бир йилик ўтсимон ўсимлик. Жанубий Америка, Хитой ва Ироқда ёввойи ҳолда ўсади.
Илдизи шохланган, тупроқ юзасига яқин жойлашган. Пояси тўртқиррали, сершох, бўйи 50-70 см, барглари мўл. Барглари жуда манзарали, узайган тухумсимон шаклда. Айрим навларининг барги бирозгина орқага қайрилган, қошиқчани эслатади. Бир-биридан ўлчами, баргларининг ранги ва ифори билан фарқ қиладиган жуда кўп форма ва навлари мавжуд. Уруғлари мартнинг бошида парникда экилади. Очиқ жойга апрель ойида кўчириб ўтқазилади. Иссиқсевар, сояга бардошли.
Шарсимон гомфрена (Gomphrena globosa L.) —Шарсимон гомфренанинг ватани Гватемала, Панама бўлиб, пояси тик, бўйи 80 см га қадар ўсади. Новдада барглар қарама-қарши жойлашган.
Ёруғсевар, иссиқсевар, қурғоқчиликка бардошли. Олдиндан ивитилган уруғлар иссиқхонада апрель ойида, очиқ жойда май ойида экилади. Июннинг охиридан бошлаб совуқ тушгунга қадар гуллайди. Ташқи омилларга талабчан эмас, клумба ва рабаткалар яратишда фойдаланилади.
Ялтироқ мармарак (Salvia splеndеns Sеlloеx Nееs) – Лабгулдошлар оиласига мансуб кўп йиллик чалабута. Ватани Жанубий Америка (Бразилия). Табиий (тропик) шароитда кўп йиллик поликарп ўсимлик бўлиб, Ўзбекистонда ундан бир йилликлар сифатида фойдаланилади. Бўйи 40-80 см, новдалари тўртқиррали, оч яшил рангда.
Иссиқсевар, лекин кузнинг дастлабки совуқларига ҳам бардош бера олади. Қисман соя қилинган жойларда ва доимий равишда суғориб турилганда, тупроқ унумдор ва донадор бўлганда яхши ўсади. Тупроқ таркибида чиринди кўп бўлганида, мўл яшил масса ҳосил қилиши эвазига, бўлиқ гулламайди.
Қўқонгул – Цинния (Zinnia) Мураккабгулдошлар оиласига мансуб бўлган цинния туркум вакиллари Ўзбекистонга режали интродукция қилинган биринчи гулли-манзарали ўсимликлардан ҳисобланади. Ватани Мексика бўлиб,
Қурғоқчиликка ва иссиққа бардошли. Совуқдан зарарланади. Унинг уруғларини баҳорда содир бўладиган кечки совуқ ўтиб кетгач, яъни апрель ойининг иккинчи ўн кунлигида очиқ жойга, ёки шундан 2 ой аввал иссиқхонага экилади. Очиқ жойга экилган уруғлар 8 кунда, иссиқхона шароитида 6 кундан униб чиқади. Уруғдан янги униб чиққан майсалар 0^оС ҳароратда нобуд бўлади.
Кўп йиллик гуллар