T. Q. Ortiqov, O. M. Nazarov Analitik laborant va fizik-kimyoviy tekshirish usullari

Олинган намуналарни анализга тайёрлаш

Дала шароитида олинган намуналар лабораторияга келтирилган кейин тезда текшириш ёки сақлаб қўйиш учун тайёрланиш керак. Бунда қуйидаги 3 ҳолатга эътибор берилиш керак:

1. 
   Олинган намуналар ўша вақтнинг ўзида текширилиши керак;
   
2. 
   Намуна текширишдан олдин ҳаволи қуруқ ҳолатга келтирилиши мумкин;
   
3. 
   Намуналар консервация қилинади.
   

Биринчи ҳолатда, намуна таркибида тез ўзгарувчан моддалар (витаминлар азотли бирикмаларнинг турлари ёки углеводлар) аниқланадиган бўлса ўтказилади. Таркибидаги моддалар тез ўзгармайдиган намуналар эса ҳаволи қуруқ ҳолатга келтирилиб, имконият туғилганда анақланилади. Масалан сомон таркибидаги клетчатка, пишган дондаги оқсил, тупроқ ва минерал ўғитлар.
Консервациялаш эса намуналарни ўз вақтида анализ қилиш имкони бўлмаганда ўтказилади. Консервациялаш кўпинча сув буғлари, формалин ёки спирт ёрдамида ўтказилади. Бундан мақсад намуна таркибидаги ферментларнинг фаоллигини сусайтиришдир.
Назорат саволлари:

1. 
   Ўсимлик намуналарини олиш техникасини айтиб беринг.
   
2. 
   Тупроқ,ўғит намуналарини олишда қуйиладиган талаблар.
   
3. 
   Индивидуал, аралаш, ўртача, лаборатория, аналитик намуналар деганда нимани тушунасиз.
   
4. 
   Олинган турли хил намуналарни анализга тайёрлаш.
   

4-Машғулот.
Газ горелкасидан фойдаланиш. Шиша билан ишлаш. Индикатор ва филтрларни тайёрлаш. Кипп аппарати принципи
(6соат)
Ишнинг мақсади: Газ горелкасидан фойдаланиш. Шиша билан ишлаш. Индикатор ва филтрларни тайёрлаш. Кипп аппарати ишлаш принципи билан танишиш.
Керакли асбоб ва реактивлар: Газ горелкаси, Турли хил шиша идишлар, Индикаторлар, метил кизили, метил қирмизи, Конго кизили, фенофталеин, филтрлар, Кипп аппарати, (FeSO₃), мармар бўлакчалари, сув ҳаммоми, қум ҳаммоми.
Адабиётлар:
1. И.Н.Ниёзалиев ва бошқалар. «Агрокимёдан амалий машғулотлар». Тошкент, 1989
2. Б.А.Ягодин и др. «Практикум по агрохимии». Москва. Агропромиздат, 1987
3. А.С.Радов, И.В.Пустовой. «Практикум по агрохимии». Москва, 1971
4. П.И.Воскресенский «Техника лабораторных работ». Москва, Химия, 1967
5. Г.Г.Русин. «Физико-химические методы анализа в агрохимии». Москва. Агропромиздат, 1990
6. Н.Г.Зарын, Д.С.Орлов. «Физико-химические методы исследования почв». Москва.МГУ,1964
7. «Методы агрохимических анализов почв средней Азии». Тошкент, 1973
8. К.Розиқов, Э.Ўринов, М.Қодирхонов «Моддалар таҳлили ва тадқикотнинг физик-кимёвий усуллари» Тошкент, Ўзбекистон миллий энциклопедияси, 2003