T. Q. Ortiqov, O. M. Nazarov Analitik laborant va fizik-kimyoviy tekshirish usullari

Дистилланган ва деминераллашган сув олиш. Дистилланган сувни олиш учун ҳайдаш кубаларидан фойдаланилади. Кубаларнинг унумдорлиги 4-5 л дистилланган сувни 1 соатда чиқаришга тенг. Сув сатҳини автоматик тарзда доим ушлаб туриш учун кубнинг буғлатиш камераси махсус қурилма билан таъминланган. Водопроводдан сув конденсаторга киради ва у ерда сув озроқ қиздирилади.кейин у тенглагич орқали махсус камерага тушади. Бу ерда сув қиздирилади ва пар конденсаторга киради. Кейин ундан дистиллят кўринишида трубалар орқали чиқарилади. Олинган дистилланган сувда газ (аммиак, карбонат ангидрид) ва минерал моддалар аралашмаси бўлиши мумкин. шунингучун уни қайта ҳайдаш керак. Қайта ҳайдалланганда бидистилланган сув ҳосил бўлади.
Дистилланган сувни аралашмалар (қўшимчалар) бор йўқлигини албатта текшириш керак. Бунинг учун соат шишасида ёки бошқа шиша идишда 5-10 томчи сувни парлантириш керак. Парланишдан кейин шишада тузларнинг оқ қатлами бўлмаслиги керак.
Дистилланган сувни махсус шиша пўкакли бутилкаларда сақлайди. Шу билан бирга идиш жуда ҳам тоза бўлиши керак. Агар коркали (пўстлоқли) ёки резина пўкаклар ишлатилса, уларни эритилган парафинга ботириб олиш керак ва бир неча минут қиздирилган қуритиш шкафида ушлаб туриш керак. Кейин бутилни у билан ёпиш керак.
Сувни ионитли филтрлар орқали ўтказиб тозалаш мумкин. булардан энг оддийси ион алмашувчи смолалар билан тўлдирилган трубка кўринишида бўлади. Бундай филтр орқали ўтган сув тузларни ўзида сақламайди. Уни минералсизлашган ёки тузсизлашган сув деб атайди. Тозалиги бўйича у дистилланган ва ҳатто бидистилланган сувдан қолишмайди.


Назорат саволлари:

1. 
   Эритмаларнинг турлари, аҳамияти ва тайёрлаш техникасини айтиб беринг.
   
2. 
   Титрлаш деганда нимани тушунасиз
   
3. 
   Дистилланган сувни олиш ва уни сақлаш.
   

7-Машғулот.


Кимёвий моддалар ва реактивларнинг тозалик даражаси. Кимёвий
препаратларни тозалаш усуллари