T azimov, U. E. Raxmatov organik olamning rivojlanishi va antropologiya (ii-qism)

8 yoshli shimpanzelar ko’proq o’yinlar bilan kun o’tkazadi. Urg'ochilar 6-10 yoshida erkaklari 7-8 yoshida balog'atga yetishadi. Ular 60 yoshgacha yashashi aniqlangan.

Gorilla avlodi. Shimpanze singari Afrikada yashaydi. Gavda uzunligi erkaklarida 180 sm, og'irligi 250kg va undan ortiq(7-rasm). Urg'ochilari biroz yengil va kichik. Gavdasi yirik, yelkalari keng, boshi katta. Ko'z oralig'i keng, chuqur joylashadi, burni keng, yuqorigi labi shimpanzelardan farq qilib qisqa, qulog'i kichik boshga yopishgan. Yuz qismi yalang'och, qora rangda, qo'llari uzun, yungli barmoqlari bilan boshbarmog’i qisqa, lekin boshqa barmoqlariga qarama qarshi. Barmoqlari har xil funksiyalarni: uya qurish, ovqat ushlash kabilarni bajaradi. Oyoqlari kalta, tovoni uzun. Boshbarmog’i chetga qaragan, boshqa barmoqlari pardalar bilan birlashgan. Yungi qisqa va qalin, qora rangda. Voyaga yetgan erkaklari yelkasida kumushsimon yo’li bolib yuz qismida qisqa soqqoli bor.

8-rasm. Gorilla.