Swot”-таҳлили методи талабаларнинг истиқбол режаларини swot-усулида ишлаб чиқиш

2.Белгиланган мақсадларга қандай эришмоқчисиз?
Ушбу босқич стратегик режани ишлаб чиқишда энг муҳим босқич ҳисобланади, чунки ҳар қандай кўзланган мақсадга эришиш учун аввало унга олиб борадиган йўлни тўғри танлаш алоҳида аҳамиятга эга. Бу босқичда юқорида белгиланган фаолият йўналишларининг ҳар бири бўйича сифат ва сонли кўрсаткичлар (индикаторлар)га эришиш учун аниқ режа, тадбирлар ва дастурлар ишлаб чиқилади.

1. 
   Белгиланган стратегияни амалга ошириш учун аниқ тадбирлар
   
2. 
   Тадбирнинг мақсади
   
3. 
   Кутилаётган натижалар
   
4. 
   Фаолият самарадорлигини баҳолаш индикаторлари
   
5. 
   Бажариш муддати
   
6. 
   Тадбирни амалга ошириш бўйича масъул шахслар.
   

Бундай режа ҳар бир ўқув йили учун алоҳида тузилиб, йил якунида эришилган натижалар таҳлил қилинади, тегишли тузатишлар киритилади ва унинг асосида келгуси йил режаси ишлаб чиқилади. Бунда амалга оширилиши керак бўлган тадбирдан кутилаётган натижалар қай даражада аниқ белгиланса, эришилган натижаларни баҳолаш мезонлари яъни фаолият самарадорлигини баҳолаш кўрсаткичларини (индикаторларни) ишлаб чиқиш шунчалик осон бўлади.
Белгиланган жойга борганлигимизни қандай биламиз?
Йиллик иш режани бажаришга киришилиши биланоқ, режада белгиланган индикаторлар асосида натижаларни узлуксиз текшириб бориш ва режага ўзгартиришлар, тузатишлар киритиб бориш жуда муҳимдир. Агар олиб борилаётган тадбирларни баҳолаш имконияти бўлса, унинг қай даражада муваффақиятли кетаётганлиги ҳақида хабардор бўлиш мумкин бўлади. Бунинг учун таълим муассасасида ички мониторингни йўлга қўйиш лозим. Мониторинг қуйидаги услубларда амалга оширилиши мумкин:

• 
  режалаштирилган ҳисобот бериш, масалан, статистик жадвалларни ўз ичига олган ойлик, чорак ва йиллик ҳисоботлар;
  
• 
  ҳисобот шакллари ва жадвалларини тўлдириш;
  
• 
  кузатишлар;
  
• 
  интервью;
  
• 
  саволномалар тўлдириш;
  
• 
  жавобгар шахслар томонидан ўз-ўзини назорат қилиш;
  
• 
  умумий йиғилишлар ва шу кабилар.
  

Режалаштирилган ишлар тугаллангандан сўнг олдиндан белгиланган индикаторлар асосида тўлиқ баҳолашни ўтказиш зарур ва бу жараёнга барча мониторингда қатнашувчи шахслар жалб қилинади.
Қуйидаги саволларни бериш зарур:

• 
  Мақсадга қанчалик эришилган?
  
• 
  Нима учун мақсадга эришилди ёки эришилмади?
  
• 
  Ўз вақтида бажарилганми?
  
• 
  Тадбир коллеж фаолиятига қандай таъсир кўрсатди?
  
• 
  Таъсирнинг далиллари (миқдорий ва сифат кўрсаткичлар)?
  
• 
  Алоҳида қараганда нима муваффақиятли бўлди ва нима учун?
  
• 
  Бу вақт мобайнида сиз нимани ўргандингиз?
  
• 
  Бу келажакдаги режалар учун қандай аҳамиятга эга?