Swot”-таҳлили методи талабаларнинг истиқбол режаларини swot-усулида ишлаб чиқиш

1-Сиз қаердасиз?. “SWOT” таҳлилини қуйидагича амалга ошириш мумкин: ҳолатни таҳлил қилиш учун шахснинг барча фаолият йўналишлари бўйича алоҳида-алоҳида, ҳар бир йўналиш бўйича аниқ ҳолатлар тавсифини ташкил этиш учун талаба ўз яқинларини таклиф этиши ёки коллеж психологи, гуруҳ мураббийси, гуруҳ фаоллари, ёки талабалардан иборат ишчи гуруҳи тузиш мумкин. Taҳлилни амалга оширишда қуйидаги саволлар билан мурожаат қилиш мумкин:
-мазкур йўналиш бўйича кучли томонларим нималардан иборат (қандай ютуқ ва камчиликларга эгаман)?
Қандай кучсиз томонларим ( камчиликларим) мавжуд?
Ушбу йўналишни ривожлантириш учун қандай имкониятларга эгаман?
Ушбу йўналишни ривожлантиришда қандай таҳдид ва тўсиқларга дуч келиши мумкин?

• 
  Ишчи гуруҳ аъзоларининг ҳар бирига етарлича карточкалар(ёки ёзув қоғозлари) тарқатилиб, уларга қуйидаги саволлар билан мурожаат қилинади (саволлар доскага ёзиб қўйилиши ҳам мумкин):
  

1. 
   Мазкур йўналиш бўйича кучли томонларимиз нималардан иборат (қандай ютуқ ва афзалликларга эгамиз)?
   
2. 
   Қандай кучсиз томонларимиз (камчиликларимиз) мавжуд?
   
3. 
   Ушбу йўналишни ривожлантириш учун қандай имкониятларга эгамиз?
   
4. 
   Ушбу йўналишни ривожлантиришда қандай таҳдид ва тўсиқларга дуч келишимиз мумкин?
   

Ҳар бир иштирокчи ўзининг жавобларини доскада изоҳлаб бериши ва ҳар бир жавоб муҳокама қилиниши зарур. Талабанинг юқорида санаб ўтилган барча фаолият йўналишлари бўйича SWOT таҳлили ўтказилиб, уларнинг натижалари умумлаштирилади ва ҳар бир талабанинг ҳозирги ҳолати ҳақида хулоса чиқарилади.
2-босқич:Maқсадларни белгилаш. Сиз қандай натижаларга эришмоқчисиз? Бу босқичда таҳлиллар асосида, талабанинг муваффақият ва ривожланиш стратегияларини белгилайди. Талабанинг кучли томонлари ва имкониятлари асосида муваффақият стратегияси белгиланади, кучсиз томонлари ва имкониятлар асосида эса ривожланиш стратегиясини белгилаш мумкин бўлади.Ҳозирги кунда аксарият талабаларнинг кучсиз томон ҳисобланган келажакка аниқ мақсад қўймаганлиги, таълим муассасасини битиргач бирор жиддий фаолият билан шуғулланишда муаммоларни юзага келиши билан боғлиқ бўлган зиддиятларни мустақил равишда, амалий фаолиятда енгиш ва ўз-ўзини ривожлантириш, мустақил фикрлаш, муваффақиятга интилиш каби хусусиятларни шакллантиришни таъминлаш-ривожлантириш стратегияси ҳисобланади.