Светофорлар қуйидагиларга бўлинади ва таснифланади: кириш – поездга перегондан стансияга киришга рухсат беради ёки тақиқлайди; чиқиш

МАРШРУТ СВЕТОФОРЛАРИ
16. Маршрут светофорларидан, уларнинг ўрнатилган жойига боғлиқ равишда, қуйидаги сигналлар берилади:
битта яшил чироқ - «Белгиланган тезликда ҳаракатга рухсат берилади; кейинги светофор (маршрут ёки чиқиш) очиқ;
битта сариқ чироқ - «Тўхташга тайёр бўлган ҳолда ҳаракатга рухсат берилади; кейинги светофор (маршрут ёки чиқиш) ёпиқ»;
битта қизил чироқ - «Тўхта! Сигналдан ўтиш тақиқланади»;
битта ўчиб ёнадиган сариқ чироқ - «Белгиланган тезликда светофордан ўтишга рухсат берилади; кейинги светофор (маршрут ёки чиқиш) очиқ ва уни камайтирилган тезликда ўтиш талаб этилади»;
иккита сариқ чироқ, улардан юқорисидаги ўчиб ёнувчи – «Пасайтирилган тезликда светофордан ўтишга рухсат берилади; поезд ён томондаги йўлга бормоқда; кейинги светофор (маршрут ёки чиқиш) очиқ»;
иккита сариқ чироқ - «Светофордан пасайтирилган тезликда ва стансияда тўхташга тайёр ҳолда ўтишга рухсат берилади; поезд ён йўлга бормоқда; кейинги светофор ёпиқ».
ЎТИШ СВЕТОФОРЛАРИ
17. Автоблокировка билан жиҳозланган участкаларда ўтиш светофорларидан қуйидаги сигналлар узатилади:
битта яшил чироқ - «Белгиланган тезликда ҳаракатланишга рухсат берилади, олдинда икки ёки ундан ортиқ блок-участка бўш» (расм 2.15);
битта сариқ чироқ - «Тўхташга тайёр бўлган ҳолда ҳаракатланишга рухсат берилади, кейинги светофор ёпиқ» (расм 2.16);
битта қизил чироқ - «Тўхта! Сигналдан ўтиш тақиқланади» (расм 2.17).
18. Тўрт белгили сигнализасияли автоблокировка билан жиҳозланган участкаларда, асосий йўл бўйлаб ўтиш, кириш, маршрут светофорларидан ва чиқиш светофорларидан қуйидаги сигналлар узатилади:

Расм 2.15		Расм 2.16		Расм 2.17

битта яшил чироқ - олдинда учта ёки ундан ортиқ блок-участкалар бўш;
битта сариқ ва битта яшил чироқлар – олдинда иккита блок-участка бўш (расм 2.18);
битта сариқ чироқ - олдинда битта блок-участка бўш;
битта қизил чироқ - «Тўхта! Сигналдан ўтиш тақиқланади».

Расм 2.18
19. Уч белгили ёки тўрт белгили сигнализасияли автоблокировка билан жиҳозланган участкаларда, кириш светофорларининг олдида жойлашган ўтиш светофорларида (кириш олди) бундан ташқари қуйидаги сигналлар қўлланиши мумкин:
битта ўчиб-ёнувчи сариқ чироқ - «Белгиланган тезликда ҳаракатланишга рухсат берилади; кириш светофори очиқ ва уни пасайтирилган тезликда ўтиш талаб этилади; поезд стансиянинг ён йўлига қабул қилинади» (расм 2.19, а);
битта ўчиб-ёнувчи яшил чироқ - «Белгиланган тезликда ҳаракатланишга рухсат берилади, кириш светофори очиқ ва уни соатига 80 км/соат дан ошмаган тезликда ўтиш талаб этилади, поезд стансиянинг ён йўлига қабул қилинади» (расм 2.19, б).
Кириш олди светофорининг мачтасига нур қайтаргичли огоҳлантирувчи табличкалар ўрнатилади (расм 2.19).

а)	б)
Расм 2.19

Ҳаракат локомотив светофори сигналлари бўйича амалга ошириладиган нотўғри йўлдаги кириш олди светофори, уч белгили сигнализасияли автоблокировка билан жиҳозланган участкалардаги кириш олди светофори каби сигналлар узатади.
20. Ярим автоматик блокировка билан жиҳозланган участкадаги ўтиш светофорларидан қуйидаги сигналлар узатилади:
битта яшил чироқ - «Белгиланган тезликда ҳаракатланишга рухсат берилади, перегон кейинги стансиягача (йўл постигача) бўш» (расм 2.20);
битта қизил чироқ - «Тўхта! Сигналдан ўтиш тақиқаланади» (расм 2.21).

Расм 2.20	Расм 2.21

21. Уч белгили сигнализасияли автоблокировка билан жиҳозланган участкаларда, асосий йўлда, талаб этилувчи тормоз йўлидан қисқа блок-участкани чегараловчи светофорда (кириш, маршрут, чиқиш ёки ўтиш), иккита вертикал ҳолдаги найза шаклидаги оқ рангли ёруғлик кўрсаткичи ўрнатилади (расм 2.16), унга огоҳлантирувчи бўлган светофорда эса - шундай кўрсаткич битта найза шаклида бўлади (расм 2.15).