Светофорлар қуйидагиларга бўлинади ва таснифланади: кириш – поездга перегондан стансияга киришга рухсат беради ёки тақиқлайди; чиқиш

6. Светофорлардан (қайси жойга ўрнатилганидан ва уларнинг туридан қатъий назар) узатиладиган асосий сигналларининг маъноси қуйидагича:
битта яшил чироқ - «Белгиланган тезликда ҳаракатланишга рухсат этилади»;
битта сариқ ўчиб–ёнувчи чироқ - «Тўхташга тайёр бўлган ҳолда белгиланган тезликда ҳаракатланишга рухсат этилади, кейинги светофор очиқ ва камайтирилган тезликда ўтишга рухсат берилади; поезд стрелкали ўтказгичдан оғишган ҳолда ўтади, кейинги светофор очиқ»;
битта сариқ чироқ - «Тўхташга тайёр бўлган ҳолда ҳаракат қилишга рухсат этилади; кейинги светофор ёпиқ»;
иккита сариқ чироқ, улардан юқоридагиси ўчиб-ёнувчи –«Светофордан чекланган тезликда ўтишга рухсат берилади; поезд стрелкадан оғишган ҳолда ўтади, кейинги светофор очиқ»;
иккита сариқ чироқ - «Светофордан камайтирилган тезликда ўтишга ва кейинги светофор олдида тўхташга тайёр бўлган ҳолда ҳаракатланишга рухсат этилади; поезд стрелкали ўтказгич орқали оғишган ҳолда ўтади»;
битта қизил чироқ - «Тўхта! Сигналдан ўтиш тақиқланади».
Санаб ўтилган сигналларнинг турли ҳил светофорларда қўлланилиши мазкур Йўриқноманинг тегишли пунктларида кўзда тутилган. Ушбу сигналларнинг мазкур Йўриқномада кўзда тутилмаган ҳолларда уларнинг сигнал маъноларини сақлаган ҳолда қўлланилиш тартиби «Ўзбекистон темир йўллари» Давлат аксиядорлик темир йўл компанияси (кейинчалик матнда ДАТК) томонидан «Ўздавтемирйўлназорат» инспексияси билан келишилган ҳолда белгиланади.
КИРИШ СВЕТОФОРЛАРИ
7. Кириш светофорлари қуйидаги сигналларни узатади:
битта яшил чироқ - «Поездга стансиянинг асосий йўлидан белгиланган тезликда кетиб боришга рухсат этилади; кейинги светофор (маршрут ёки чиқиш) очиқ» (расм 2.1, а);
битта сариқ ўчиб–ёнадиган чироқ - «Поездга стансиянинг асосий йўлидан белгиланган тезликда кетиб боришга рухсат этилади; кейинги светофор (маршрут ёки чиқиш) очиқ ва уни пасайтирилган тезликда ўтиш талаб қилинади» (расм 2.1, б);

а)	б)
Расм 2.1