Sultonov ziyomat tursunboy o’G’li “Matematika o’qitish jarayonida smarttexnologiyalardan foydalanish

KIRISH

Bitiruv malakaviy ishining dolzarbligi va zarurati. Bugungi kunda jahonda umumiy o’rta ta’lim maktablari o’quvchilari uchun axborot kommunikatsion resurslaridan keng foydalanish orqali sifatli ta’lim olish hamda ta’lim jarayonida smart texnologiyalarni qo’llash imkoniyatlarini kengaytirish alohida dolzarb ahamiyat kasb etmoqda. 07.05.2020 dagi Prezdent qaroriga muvofiq “2020 — 2023-yillarda O‘zbekiston Respublikasida matematika fanlari bo‘yicha ta’lim sifatini yaxshilash, ilmiy-tadqiqotlarning natijadorligi va amaliy ahamiyatini oshirishning maqsadli dasturi”¹. XXI asrda o’quvchilarda axborotlarni izlash, tahlil qilish, qayta ishlashda smart texnologiyalardan foydalanish, shuningdek, informatika (CS), axborot texnologiyalari (IT) va raqamli savodxonlik (DL)ni o’zida yaxlit aks ettiruvchi kompyuting ta’limini rivojlantirishga alohida e’tibor qaratilmoqda.

Ta’lim-tarbiya mazmuni, maqsad va vazifalari davrlar oʼtishi bilan kengayib borishi natijasida uning shakl va usullari ham takomillashib bormoqda. Hozirda inson faoliyatining asosiy yoʼnalishlari shu faoliyatdan koʼzda tutilgan maqsadlarni toʼliq amalga oshirish imkoniyatini beruvchi yaxlit tizimga, yangi texnologiyalarga aylanib bormoqda. Xuddi shu kabi ta’lim-tarbiya sohasida ham soʼnggi yillarda pedagogik texnologiyalarga amal qilina boshladi va yangi smart texnologiyalar takomilashib bormoqda.

Bitiruv malakaviy ishining respublika fan va texnologiyalari rivojlanishining ustuvor yo’nalishlariga bog’liqligi. Mazkur tadqiqot ishi respublika fan va texnalogiyalar rivojlanishining “Axborotlashgan jamiyat demokratik davlatni ijtimoiy, huquqiy, iqtisodiy, madaniy, ma’naviy-ma’rifiy rivojlantirishda innovatsion g’oyalar tizimini shakllantirish va ularni amalga oshirish yo’llari” ustuvor yo’nalishi doirasida bajarilgan.
Muammoning o’rganilganlik darajasi. O’zbekistonda ta’limda axborot-kommunikatsiya texnologiyalarini joriy etish, global axborotlashuv sharoitida axborot xavfsizligini ta’minlash, o’quvchilarda mediamadaniyatni rivojlantirish bo’yicha tadqiqot ishlari A.Abduqodirov, N.Taylaqov, B.Boltaev, D.Abduazimova, F.M.Kuchukbaev, R.X.Djuraev, M.Divanova, U.Begimqulov, S.Babadjonov, O.Davlatov, F.Zakirova, N.Rustamova va boshqalar tomonidan amalga oshirilgan.