Sultonov ziyomat tursunboy o’G’li “Matematika o’qitish jarayonida smarttexnologiyalardan foydalanish

2.2.4.-rasm. O‘quvchilarning mustaqil o‘quv faoliyatini rivojlantirishga yo‘naltirilgan mediatexnologiyalarga asoslangan metodikani joriy etish mexanizmi medialogiya ko‘rinishida
SHu o’rinda haqli savol tug’iladi: axborotlashgan jamiyatdan smart-jamiyatga o’tish jarayoni yuz berayotgan bir davrda, nima uchun biz “smart-texnologiyalar”ning zaruriyati emas, aynan smart texnologiyalarni qo’llash asosida dars mashg’ulotlarini tashkil etish mavzusi ustida ishlayapmiz? Buning sababi juda oddiy: har qanday smart-texnologiyalarning asosini AKT – smart texnologiyalar tashkil etadi. Albatta, dunyoning rivojlangan davlatlari allaqachon smart tendensiyalar ustida bosh qotirib, smart-shaharlar, ekosistema, smart-fuqarolar yaratish bo’yicha izlanishlarda salmoqli natijalarga erishayotgani bor gap. Ammo AKT savodxonligi, mediasavodxonlik hamda axborot madaniyati, mediamadaniyatni shakllantirmay turib, smart-ta’limga o’tish haqida so’z yuritish mutlaqo imkonsizdir. CHunki, mazkur kontekstda bizning tadqiqot ob’ektimiz umumiy o’rta ta’lim maktablarining endigina o’rta sinflariga qadam qo’ygan o’quvchilar, ular esa, o’z navbatida, smart texnologiyalardan kundalik hayotda tartibsiz foydalana boshlagan bo’lsalar-da, ulardan to’g’ri foydalanishning fundamental asoslari haqidagi bilimlarga deyarli ega emas. SHu sababli ham, tadqiqot ishimiz mavzusi “Geometriya " fanini smart texnologiyalar asosida o’qitishning metodik tizimini takomillashtirish sifatida tanlangan.

2.3-§. Smarttexnologiyalar yordamida “Geometriya" fanini umumiy o’rta ta’lim maktablarilarda o’qitish texnologiyasi

Tadqiqot ishimizning avvalgi paragraflarida Geometriya fanini o’qitishda mavjud bo’lgan metodikalar tahlili hamda tadqiqot metodikasining komponentlari xususida so’z yuritildi. Mazkur paragrafimizda esa, tadqiqot doirasida ishlab chiqilgan metodika bo’yicha dars mashg’ulotlarini tashkil etish to’g’risida fikr yuritamiz.
Barchamizga ma’lumki, umumiy o’rta ta’lim maktablarida tashkil etiluvchi darslar shakliga ko’ra bir necha turlarga bo’linadi.