Судралиб юрувчилар синфи reptilia

Айириш органлари. Судралиб юрувчиларнинг бир жуфт компакт танача шаклидаги метанефрик буйраги чаноқ бўлимининг орқа деворига тақалиб туради. Бу буйракларнинг ҳар қайсисидан биттадан сийдик йўли чиқади ва у сийдик пуфагига қўшилади. Сийдик пуфаги клоакага очилади. Илонларда сийдик пуфаги йўқ.
Расм. А. Эркак калтакесакнинг сийдик-таносил системаси: 1 - буйраги, 2 - сийдик пуфаги, 3 - уруғдони, 4 - уруғдон ортиғи, 5-уруғ йўли, 6 - сийдик-таносил тешиги, 7 - оталантирувчи халтачаси, 8 - клоака бўшлиғи, 9 - тўғри ичаги. Б. Урғочи калтакесакнинг сийдик-таносил системаси:1 - буйраги, 2 - сийдик пуфаги, 3 - сийдик тешиги, 4 - тухумдони, 5 - тухум йўли, б - тухум йўли воронкаси, 7 - жинсий тешиги, 8 - клоака бўшлиғи, 9 - тўғри ичаги.
Нерв тизими ва сезги аъзолари. бош миясининг олдинги катта мия яримшарлари нисбатан катта бўлиб, кулранг мия моддасидан иборат пўстлоғи бор. Оралиқ мия ўсимталари – эпифиз, оралиқ миянинг пастки қисмида ички секреция бези – гипофиз шаклланган.
Бош миядан 11 жуфт бош мия нервлари чиқади.
Орқа мияда оқ ва кулранг моддалар бир-биридан ажралиб туради. Орқа миядан орқа мия нервлари чиқади ва типик елка ҳамда чаноқ чигалларини ҳосил қилади.
Кўзда аккомодация анча ривожланган.
Судралиб юрувчиларда якобсон органи бор ва най орқали оғиз бўшлиғи билан туташган. Якобсон органи оғизда турган овқат ҳидини билиш учун хизмат қилади.
Расм. Калтакесакнинг бош мияси: А-тепа томонидан, Б-остки томонидан, В-ён томонидан кўриниши, 1-олдинги мия яримшарлари, 2-йўл-йўл (тарғил) танача, 3-ўрта мия, 4- мияча, 5-узунчоқ мия, 6-воронка, 6΄-гипофиз, 7-хиазма, 8-ҳидлов бўлаклари, 9-эпифиз, II-XII-бош мия нервлари.