Судралиб юрувчилар синфи reptilia

Қон айланиш системаси. Юраги уч камерали. Юрак қоринчаси чала тўсиқ билан иккига бўлинган. Артериал конус редукцияланган, веноз синуси эса ўнг юрак бўлмасига қўшилган. Артерия системаси. Юрак қоринчасининг ўнг томонидан ўпка артерияси ва чап аорта ёйи чиқади. Юрак қоринчасининг чап томонидан эса ўнг аорта ёйи чиқади. Юрак қоринчаси қисқарганда, унинг пастки деворига ўрнашган чала тўсиқ юрак қоринчасининг устки деворигача тегиб, юрак қоринчаси ўнг ва чап томонларини бир-биридан тўлиқ ажратиб қўяди.

Юрак қоринчасининг ўнг қисмидан ўпка артерияси чиқади ва иккига бўлиниб, ўпкага вена қонини олиб боради.

Юрак қоринчасининг чап томонидан артериал қонли ўнг аорта ёйи чиқади, бу ўз навбатида уйқу ва ўмров ости артерияларига ажратади. Уйқу артерияси гавданинг бош қисмини артериал қон билан таъминлайди. Ўмровости артерияси олдинги оёқларига боради.

Юрак қоринчасининг ўрта қисмидан чап аорта ёйи аралаш қон олиб чиқади. Чап ва ўнг аорта ёйлари қизилўнгачнинг пастки томонида ўзаро қўшилиб, тоқ орқа аортани ҳосил қилади. Орқа аорта умуртқа поғонасининг остидан кейинга қараб кетади ва йўл-йўлакай майда артериялар чиқаради, ундан кейин орқа оёқларга жуфт ёнбош артериясини чиқариб, ўзи тоқ дум артерияси ҳолида давом этади.

Вена системаси. Судралиб юрувчиларда кардинал веналар бутунлай йўқолган. Дум, чаноқ, қорин, жигар венаси ва буйрак веналари қўшилиб кейинги ковак венани ҳосил қилади ва у юракнинг ўнг бўлмасига қуйилади. йилади. Гавданинг бош томонидан бир жуфт бўйинтуруқ веналари, олдинги оёқларидан бир жуфт ўмров ости веналари бир жуфт олдинги ковак веналарни ҳосил қилади ва улар ҳам ўнг юрак бўлмасига қуйилади. Ўпкада тозаланган артериал қон ўпка веналарига йиғилади, ўпка веналари қўшилиб чап юрак бўлмасига қуйилади.

Вена системаси. Судралиб юрувчиларда кардинал веналар бутунлай йўқолган. Дум, чаноқ, қорин, жигар венаси ва буйрак веналари қўшилиб кейинги ковак венани ҳосил қилади ва у юракнинг ўнг бўлмасига қуйилади. йилади. Гавданинг бош томонидан бир жуфт бўйинтуруқ веналари, олдинги оёқларидан бир жуфт ўмров ости веналари бир жуфт олдинги ковак веналарни ҳосил қилади ва улар ҳам ўнг юрак бўлмасига қуйилади. Ўпкада тозаланган артериал қон ўпка веналарига йиғилади, ўпка веналари қўшилиб чап юрак бўлмасига қуйилади.