Stomatologiyada yoruglik bilan bilan davolash

Quyosh-havo vannalari naf beradigan va naf bermaydigan kasalliklar

Quyosh – havo vannalari suyak va bo‘g‘imlar sili, o‘pka silining produktiv-fibroz formasi, podagra, raxit, furunkullar, ekzema, ayollar jinsiy sferasining yallig‘lanish kasalliklarida qo‘llanilganda naf beradi.
Quyosh – havo vannalari quyosh yorug‘ligiga nisbatan sezuvchanlik ortiqcha (pellagra, gemorragik diatezlar va boshqalar) bo‘lganda, o‘pka silining zo‘rayuvchi formasida, qon aylanishining buzilishi bilan o‘tadigan yurak kon– tomirlar sistemasi kasalligida, qon tomirlarning rivojlangan sklerozida, kaxeksiyada, markaziy nerv sistemasining organik kasalliklarida, yomon sifatli o‘smalarda ko‘llanilganda naf bermaydi.

Havo vannalari bilan davolash

Havo vannasi ta’siri havo temperaturasi, namligi, harakatining tezligi (shamol), tarqalgan quyosh radiatsiyasining birgalikda ta’sir ko‘rsatishdan vujudka keladi.
Tana temperaturasi bilan havo temperaturasi o‘rtasidagi farq qancha ko‘p bo‘lsa, havo vannasi shuncha kuchli ta’sir ko‘rsatadi.
Havo vannalari yilning issiq vaqtida ma’lum temperaturada tayinlanadi. Havo temperaturasiga qarab issiq (20⁰ dan 30⁰ gacha), iliq (15⁰ dan 20⁰ gacha), va suvuq (4⁰ dan 15⁰ gacha) havo vannalari bo‘ladi. Havo vannasi quyosh vannasiga tayyorgarlik ko‘rishda yoki mustaqil davolash protsedurasi sifatida qo‘llaniladi.
Havo vannalari organizmga ancha kuchli ta’sir ko‘rsatib, uning yuqumli kasalliklarga va shamollash kasalliklariga nisbatan qarshiligini oshiradi.
Issiq havo vannasini qabul qilishda nafas chuqurlashadi, tomir ko‘p uradi, arterial qon bosimi pasayadi.
Iliq vannalar tomir urishi va nafasni sekinlashtiradi, tana temperaturasini bir oz pasaytiradi.
Sovuq havo vannasini qabul qilishda teri oqaradi, tomir dastlab kamroq, so‘ngra esa tezroq ura boshlaydi; o‘pka ventilyatsiyasi kuchayadi. Bemor damba-dam siyadi eritrotsitlar soni ko‘payib, leykotsitoz kamayadi.