Stomatologik kasalliklar profilaktikasi

Kalsiy glyukonat 
(tabletka, kukun 0,5 g dan, 5% li eritmasi, meva siropida). 1-2 yoshli 
bolalar uchun - 0,25 dan ikki maxal; 2-6 yoshlilar uchun - 0,5 g dan ikki maxal ; 6 yoshdan 
kattalar uchun -0,5 g dan uch maxal tavsiya etiladi. Ma‘lumki homila ona qornida 
rivojlanayotgan, uning tishlari taraqqkiy etayotgan davrda onaning ratsional oziqlanishi, 
organizmga kirayotgan mineral moddalar, vitaminlar kerakli darajada bo‘lishi bola tug‘ilgandan 
so‘ng chiqqan tishlari-kariesga turg‘un, sog‘lom bo‘lishida muhim ahamiyat kasb etadi. Shuning 
uchun, homilador onaning muvofiqlashgan ovqatlanishining buzilishi, yetishmovchiliklar, 
umumiy kasalliklar, ovqat so‘rilishining buzilishi hhomiladorlik davrida yoki bola tug‘ilgandan 
so‘ng sodir bo‘lgan taqdirda, bunday
 
kamchiliklarni to‘ldirish maqsadida bolalarga mineral 
moddalar, vitaminlar tutuvchi preparatlarni ichish uchun tavsiya qilinadi. 
Kalsiy, fosfor saqlovchi preparatlar karies profilaktikasi maqsadida, ratsional ovqatlanish 
bo‘zilganda, 6 oygacha bola ona ko‘kragini emmagan taqdirda, dispepsiya, raxit, antibiotik va 
kortiqosteroidlar bilan bola uzoq muddat davolanganda tavsiya etiladi. Kalsiy va fosfor tutuvchi 
preparatlarni vitamin D
2
bilan birgalikda buyurish maqsadga muvofiqdir. Bu muolajalar qancha 
erta buyurilsa, shuncha samarali hisoblanadi. Yaxshi natija olish maqsadida kutilayotgan 
sistemali kariesda mazkur preparatlarni tishlar mineralizastiyalanish davrida ichish va 2 yil 
mobaynida davom ettirilmog‘i lozim. 

---

103 
Profilaktika maqsadida buyuriladigan muolajalar kursi yilda ikki marta 1-1,5 oy mobaynida 
tavsiya etiladi. Buyuriladigan preparatlar dozasi bolalar yoshi va sutkalik organizm talabidan 
kelib chiqib aniqlanadi. Kalsiy preparati yangi tug‘ilgan, ko‘krak yoshidagi bolalar uchun 0,16 g; 
6-7 yoshda - 0,3-0,5 g ; 7-14 yoshda -1,0 g. ni tashkil etadi. Fosfor miqdori ko‘krak yoshidagi 
bolalar uchun - 0,1 mg/kg, 3-6 yoshda - 0,05 mg/kg, 6 yoshdan yuqori bolalar uchun - 0,03 
mg/kg ni tashkil etadi. 
Kalsiy preparati markaziy asab sistemasi faoliyatini yaxshilab, suyaklarning to‘g‘ri 
rivojlanishini 
ta‘minlash 
bilan 
birgalikda, 
organizm 
sezgirligini 
pasaytiruvchi 
(desensibilizastiya) ta‘sirga ham egadir.