-

From: Snapshot-Content-Location: https://euroasialife.uz/uz/savol-va-javob/ Subject: Savol va Javob Date: Sat, 29 Jan 2022 06:18:52 -0000 MIME-Version: 1.0 Content-Type: multipart/related; type="text/html"; boundary="----MultipartBoundary--PmsFVQBKPnPlBPrUsqgzz6EsHwTaJE4H9vEgZRQw5b----" ------MultipartBoundary--PmsFVQBKPnPlBPrUsqgzz6EsHwTaJE4H9vEgZRQw5b---- Content-Type: text/html Content-ID: Content-Transfer-Encoding: binary Content-Location: https://euroasialife.uz/uz/savol-va-javob/

RU

UZ

EN

• Biz haqimizda
  Kompaniya haqidaYangiliklarHamkorlar
• Sug'urta
  Onlayn murojaatSavol va javoblarSugʻurta hodisasi haqida xabarQonunchilik va soliq imtiyozlari
• Kalkulyator
• Bizning xizmatlarimiz
• Saralash

• RU
• UZ
• EN

Biz haqimizdaKompaniya haqidaYangiliklarHamkorlar

Sug'urtaOnlayn murojaatSavol va javoblarSugʻurta hodisasi haqida xabarQonunchilik va soliq imtiyozlari

Ko'p beriladigan

Savollar va javoblar

01. Hayotni sug'urta qilish nima uchun kerak?

Har bir inson hayotida ertami-kechmi o'z-o'ziga savol beradi:
• Qanday qilib qarilikda o'z-o'ziga munosib turmush darajasini yaratish mumkin?
• Qanday qilib pulni to'plash mumkin?
• Agar jiddiy davolanishga muhtoj bo'lsam, pulni qayerdan olsam bo'ladi?
• Boquvchisini yo'qotgan taqdirda, oilaning moliyaviy farovonligini qanday ta'minlash mumkin?
Hayotni sug'urta qilish dasturlari sizga quvonchli voqealarga tayyorgarlik ko'rishga (bolalarni o'qitish, ko'chmas mol-mulkni sotib olish va h.k.), shuningdek, kutilmagan noxush hodisalar yuz berganda "xavfsizlik yostig'ini" yaratishga yordam beruvchi javoblarni taqdim etadi.
Hayotni sug'urta qilish deyarli har bir inson hayotining ma'lum bir davrida, uning maqsadlari va ehtiyojlariga javob beradi va unga bir qancha moliyaviy masalalarni hal etishga imkon beradi.

02. Mijoz uchun hayotni sug'urta qilishning qanday afzalliklari bor?

Hayotni sug'urta qilish shartnomasini tuzish bilan birga, mijoz sug'urta himoyasiga va O'zbekiston Respublikasining Soliq kodeksiga muvofiq jismoniy shaxslarning daromad solig'idan ozod qilingan, hayotni uzoq muddatli sug'urta qilish shartnomalari bo'yicha sug'urta mukofotlarini to'lash mobaynida, mablag'ni to'plash imkoniyatiga ega bo'ladi.

03. Hayotni sug'urta qilish polisini qanday qilib rasmiylashtirish mumkin?

Bizning kompaniyamizda hayotni sug'urta qilishning afzalligi, har bir mijozga individual yondoshuvdadir. Barcha uzoq muddatli dasturlar har bir aniq mijoz uchun, barcha shartlar va istaklarni inobatga olgan holda maxsus tanlanadi va hisoblanadi. Aynan siz uchun maxsus dastur va uning shartlarini tanlash uchun siz Kompaniyaning eng yaqin hududiy ofisiga murojaat qilishingiz mumkin. 

04. Shartnoma qanday summaga tuzilishi mumkin?

Sug'urta shartnomasida sug'urta summasining miqdori Sug'urtalanuvchi va Sug'urtalovchi o'rtasidagi kelishuv asosida belgilanadi..

05. Chet el fuqarolari bilan hayotni sug'urta qilish shartnomasini tuzish mumkinmi?

Uzoq muddatli hayotni sug'urta qilish shartnomalari muomalaga layoqatli jismoniy yoki yuridik shaxslar – O'zbekiston Respublikasi rezidentlari va norezidentlari tomonidan tuzilishi mumkin.

06. Imtiyoz davri nima?

Bu Sug'urta qoidalariga muvofiq belgilanadigan, Sug'urtalanuvchi tomonidan sug'urta mukofotlarini o'z vaqtida to'lash majburiyati buzilgan taqdirda, Sug'urta shartnomasi bo'yicha Sug'urta himoyasi to'xtatib qo'yilmaydigan davr hisoblanadi.

07. Shartnomaning amal qilish muddati davomida imtiyoz davrini taqdim etish tartibi qanday?

Sug'urtalovchi tomonidan 30 (o'ttiz) kalendar kuniga teng imtiyoz davri berilishi mumkin. Imtiyoz davri Sug'urtalanuvchi tomonidan navbatdagi sug'urta mukofoti to'lanishi lozim bo'lgan kundan boshlanadi.   
Imtiyoz davri Sug'urtalanuvchiga sug'urta muddati boshlanganidan boshlab bir yilda ikki barobardan ko'p bo'lmagan miqdorda berilishi mumkin.

08. Sug'urta voqeasi nima?

 Sug'urtalovchi tomonidan sug'urta to'lovini to'lash majburiyati yuzaga kelishiga sabab bo'lgan voqea sodir bo'lishi.

09. Hayotni uzoq muddatli sug'urta qilish shartnomasi qanday xavflarni o'z ichiga oladi?

Hayotni sug'urta qilish shartnomasiga muvofiq quyidagi xavflar qoplanadi:
a) Sug'urtalangan shaxsning Sug'urta muddati oxirigacha tirik qolishi;
b) Sug'urta shartnomasining amal qilish muddati davomida Sug'urtalangan shaxsning vafot etishi.

10. Sug'urta voqeasi yuz berganda qanday hujjatlar taqdim etiladi?

Sug'urtalovchi tomonidan Sug'urtalanuvchiga/Naf oluvchiga sug'urta to'lovini amalga oshirish majburiyatini keltirib chiqarishi mumkin bo'lgan voqea yuz berganda, Sug'urtalanuvchi Sug'urtalovchiga to'lovni amalga oshirish uchun bank hisob raqami ma'lumotlari ko'rsatilgan holda yozma Ariza va unga ilova qilib quyidagi hujjatlarni taqdim etishi kerak:
a) Sug'urtalangan shaxsning Sug'urta muddati tugashiga qadar tirikligi holatida:
• Sug'urtalangan shaxs pasportining nusxasi (ko'rib chiqish uchun pasportning aslini taqdim etgan holda).
b) Sug'urtalangan shaxsning Sug'urta muddati davomida vafot etishi holatida:
• Naf oluvchi shaxs pasportining nusxasi (ko'rib chiqish uchun pasportning aslini taqdim etgan holda);  
• Sug'urtalangan shaxsning vafot etganligi to'g'risidagi guvohnoma nusxasi (ko'rib chiqish uchun aslini taqdim etgan holda);       
• Meros olish huquqini tasdiqlovchi hujjatlar (Sug'urtalovchi va Sug'urtalangan shaxs tomonidan tuzilgan Sug'urtalangan shaxs vafot etishi holatida Naf oluvchini tayinlash to'g'risidagi qaror bo'lmagan taqdirda);   
• O'lim sababini tasdiqlovchi, boshqa mavjud hujjatlar.

11. Mijoz tomonidan to'langan sug'urta mukofotlari qanday kafolatlangan?

Qabul qilingan sug'urta majburiyatlarining bajarilishini ta'minlash uchun Kompaniya to'langan sug'urta mukofotlaridan, qonunda belgilangan tartibda va shartlarda sug'urta zahiralarini shakllantiradi va joylashtiradi.
Kompaniya faoliyati O'zbekiston Respublikasi qonunchiligining barcha talablariga muvofiq amalga oshiriladi hamda O'zbekiston Respublikasining nazorat va tartibga solish organlari tomonidan doimiy va to'liq nazorat qilinadi.

12. Siz pul mablag'laringizni qaerga tikasiz?

Kompaniya, sug'urtalovchining va qayta sug'urtalovchining investitsiya faoliyati to'g'risidagi O'zbekiston Respublikasi Adliya Vazirligi tomonidan 2009-yil 16-iyulda ro'yxatga olingan 1982-sonli Nizomga muvofiq o'z mablag'larini investitsiya vositalariga sarflaydi, aksariyat hollarda bu ishonchli banklarning depozitlari va depozit sertifikatlaridan iborat bo'ladi. Ushbu yondoshuv mablag'ni himoya qilishga yordam beradi.

13. Hayotni uzoq muddatli sug'urta qilishda mijoz qanday soliq imtiyozlaridan foydalanishi mumkin?

Soliq imtiyozlari O'zbekiston Respublikasi Soliq kodeksida nazarda tutilgan:
Yuridik shaxslar uchun:
Hayotni uzoq muddatli sug'urta qilish uchun yuridik shaxs tomonidan sug'urta to'lovi sifatida to'lanadigan summalar boshqa chegirib tashlanadigan xarajatlarga kiradi (O'zbekiston Respublikasi Soliq kodeksining 145-moddasi 33-bandi);    
Ishchilar foydasiga to'lash uchun yo'naltirilgan sug'urta to'lovlari (shuningdek, shartnoma muddati tugaganidan so'ng, ishchilarga to'lanadigan sug'urta to'lovlariga) yagona ijtimoiy to'lov qo'llanilmaydi (O'zbekiston Respublikasi Soliq kodeksining 307, 172-moddalari).
Jismoniy shaxslar uchun:  
Hayotni uzoq muddatli sug'urta qilish bo'yicha to'lanadigan sug'urta mukofotlarini qoplashga yo'naltirilgan jismoniy shaxslarning ish haqi va boshqa daromadlari jismoniy shaxslarning daromadlari deb hisoblanmaydi va daromad solig'iga tortilmaydi (O'zbekiston Respublikasi Soliq kodeksining 171-moddasi 13-bandi, 179-moddasi 28-bandi);
Fuqarolar tomonidan sug'urta tovoni sifatida olinadigan summalar soliqqa tortilmaydi (O'zbekiston Respublikasi Soliq kodeksining 179-moddasi 22-bandi).

14. Sug'urta voqeasi yuz berganda nima qilish kerak?

Agar baxtsiz hodisa yuz bersa, darhol tez yordam chaqiring yoki eng yaqin tibbiyot muassasasiga murojaat qiling. Sug'urta voqeasi to'g'risida bizga [phone] telefon raqami orqali xabar bering, voqeaning tafsilotlarini tushuntiring va bizning aloqa markazimiz mutaxassisidan zarur hujjatlarni taqdim etish to'g'risidagi ma'lumot bilan tanishib chiqing.

15. Nima uchun baxtsiz hodisalardan sug'urta qilish kerak?

Baxtsiz hodisalardan hayotni sug'urta qilish nafaqat xavfli kasb egalari, balki barchamiz uchun zarurdir. Ushbu xizmat sizga baxtsiz hodisa ro'y berganligi sababli yuzaga kelgan tibbiy xarajatlaringizni qoplash, shuningdek, (vaqtinchalik yoki doimiy) mehnatga layoqatsizlik tufayli yuzaga kelgan daromad yo'qotilganligi holatida, moliyaviy yordam olish imkoniyatini beradi. Sug'urtalangan shaxsning to'satdan vafot etganligi holatida esa, baxtsiz hodisalardan sug'urta qilish uning qarindoshlariga moliyaviy yordam olish imkoniyatini beradi.

16. Baxtsiz hodisa holatida sug'urta to'lovlarining miqdori qanday?

• "O'lim" xavfi bo'yicha Sug'urtalangan shaxsga sug'urta to'lovining 100% miqdorida sug'urta to'lovi belgilanadi;  
• "Sog'liqning doimiy buzilishi (nogironlik)" xavfi bo'yicha sug'urta to'lovi Sug'urtalangan shaxsga belgilangan nogironlik guruhiga qarab sug'urta to'lovining foizi miqdorida belgilanadi:   
- I guruh nogironiga - 75%;
- II guruh nogironiga - 50%;
- III guruh nogironiga - 30%;
• "Shikastlanish va/yoki sog'liqning boshqa buzilishlari" xavfi bo'yicha sug'urta to'lovi Sug'urtalovchi tomonidan tasdiqlangan "Sug'urta to'lovlari jadvali" ga binoan ushbu xavf uchun belgilangan sug'urta to'lovining foizi miqdorida belgilanadi.

17. Nima sababdan xorijga sayohat qilayotgan insonlar uchun sug'urta polisini avtomatik tarzda uzaytirish kerak (Shengen)? Bu qo'shimcha 15 kun sug'urta qilinganmi?

Shengen kelishuviga a'zo davlatlardan biriga 6 oydan kam bo'lgan muddatga sug'urta polisi rasmiylashtirilganda, Shengen kelishuviga a'zo davlatlarning Viza Kodeksi talablariga binoan, (90 kungacha) bo'lgan qisqa muddatli sayohatlar uchun sug'urta polisining muddati avtomatik tarzda 15 kunga uzaytiriladi. Ammo  sug'urta qilingan kunlarning soni avvalgidek qoladi. Shunday qilib, sug'urta polisining amal qilish muddati davomida, sayyoh mamlakatda qolish kunlarning umumiy soni sug'urta qilingan kunlar sonidan oshmagan holda, sayohat kunlarini o'zgartirishi mumkin

18. Qanday hujjatlar talab qilinadi?

Xorijga chiquvchi shaxslar uchun sug'urta polisini rasmiylashtirish jarayonida quyidagilar kerak bo'lishi mumkin:
1. Sugʻurtalovchi shaxsning pasporti (polisni rasmiylashtirayotgan shaxs);
2. Sug'urtalangan shaxs(lar) pasporti (FISh buzilishiga yo'l qo'ymaslik maqsadida);
3. Har bir Sug'urtalangan shaxsning aniq tug'ilgan sanasi.

19. Sug'urta voqeasi yuz berganda, men qayerga murojaat qilishim kerak?

Sug'urta polisida ko'rsatilgan telefon raqamlariga qo'ng'iroq qiling. Sug'urta hududida yordamni tashkil qilish REMED Assistance (Remed Assistans) tomonidan amalga oshiriladi.

20. Bir necha inson uchun sug'urta polisini sotib olsam bo'ladimi?

Ha, siz bir necha inson uchun sug'urta polisini rasmiylashtirishingiz mumkin.

21. Savollaringiz bormi?

• [phone] telefon raqami orqali biz bilan bog'laning;
• [e-mail] elektron manzili orqali;
• Quyidagi manzilda joylashgan kompaniyaning ofisiga murojaat qiling:
Toshkent shahri, Yassi ko'chasi 9/3;

Orqaga qo'ng'iroq

×

Telefon raqamingizni qoldiring va biz tezda sizga qo'ng'iroq qilamiz

Sizning ismingiz

Sizning telefoningiz

Yuborish

Sug'urta

• Sug'urta hodisasi to'g'risida xabar berish
• Sug'urta polisini sotib oling
• Sug'urta qonunchilik va soliq imtiyozlari
• Savol va Javob

Biz haqimizda

• Kompaniya haqida
• Hamkorlarimiz
• Hisobot

Bizning xizmatlarimiz

• Jismoniy shaxslar uchun paketlar
• Jismoniy shaxslar uchun paketlar
• Qo'shimcha xizmatlar

Aloqa uchun

• Toshkent shahar, Kichik xalqa yo'li ko'chasi, 38a uy
• [phone]
• [e-mail]

---

© 2022 "EUROASIA LIFE INSURANCE" AJ. Barcha huquqlar himoyalangan.
Разработка сайта - PROCRM.UZ