Статистик кўрсаткичлар

Мутлақ миқдорлар натурал, шартли натурал ва қиймат (пул) ўлчов бирликларида ифодаланади.

Мутлақ миқдорлар натурал, шартли натурал ва қиймат (пул) ўлчов бирликларида ифодаланади.

Натурал ўлчов бирликлари деганда ҳодисаларнинг табиий ва истеъмол хусусиятларига мос келади. Масалан, сотилган гўшт – килограммда , суюқ маҳсулотлар – литрда, пойафзал – жуфтда, масофа – метр ёки километрда ўлчанади. Айрим пайтларда битта натурал ўлчов бирлиги ҳодисани тўлиқ характерлай олмайди. Шу сабабли ўлчов бирликларининг бирикмасини қўллаш керак бўлади. Масалан, иш вақти – киши – соат ёки киши-кун, транспортнинг бажарган иши тонна – километр, истеъмол қилинган электр энергия киловатт – соат ва ҳ.к. Булар статистикада комплекс ўлчов бирликлари деб ном олган.

НИСБИЙ МИҚДОРЛАР

ИККИ СОЛИШТИРМА МУТЛАҚ МИҚДОРНИ ТАҚҚОСЛАШ НАТИЖАСИДА ОЛИНГАН НАТИЖАГА НИСБИЙ МИҚДОР ДЕЙИЛАДИ.

Нисбий миқдорларни ҳисоблашда касрнинг суръатида албатта, ўрганилаётган кўрсаткич жойлашади. Бу кўрсаткични таққосланувчи кўрсаткич деб ҳам аташади. Касрнинг махражида эса таққосланадиган кўрсаткич жойлашади. Мана шу махражнинг қандай бирликка тенглаштириб олинишига қараб нисбий миқдорлар коэффициентда, фоизда, промилледа ва продецимилледа ифодаланади.

Агарда таққосланадиган миқдор бирга тенглаштириб олинса, у ҳолда нисбий миқдорлар коэффициентда ифодаланади. Коэффициент ўрганилаётган миқдор таққосланадиганга нисбатан неча марта катта, кўп ёки кичик эканлигини кўрсатади. Масалан, озиқ-овқат дўконида жума куни 360 минг сўмга товарлар сотилган экан, якшанба куни эса - 432 минг сўмга товарлар сотилди. Агарда, 360 минг сўмни бирга тенг деб қабул қилсак, 432 минг сўм неча бирликни ташкил этади? Жавоб – (432:360) =1,2 бирликни.

Демак озиқ-овқат дўконида якшанба куни жума кунига нисбатан 1,2 марта кўп товарлар сотилган. Агар асос миқдор 100 га тенглаштирилса, у ҳолда нисбий миқдорлар фоиз (%)да, 1000 га тенглаштирилса – промилле (‰)да, 10000 га тенглаштирилса – продецимилле (‰0)да ифоланади.