So‘z boshi

Kutilayotgan natija: kundalik muloqotga oid oddiy jumlalarni tinglab tushunish, o‘qish, gapirish, yozish bo‘yicha dastlabki ko‘nikmalar shakllantiriladi. O‘z fikrini og‘zaki va yozma tarzda aniq va tushunarli bayon qila olish, mavzudan kelib chiqib savollarni to‘g‘ri qo‘ya olish va javob berish, mavzuga oid tayanch so‘zlar o‘zlashtiriladi va ma’lumotlarga ega bo‘linadi.

Baholash: o‘quvchilar reytingi dars oxirida e’lon qilinadi.

Darsning borishi:

I. Tashkiliy qism:

– davomatni aniqlash;

– o‘quvchilarning darsga tayyorgarligini tekshirish.

II. O‘tilgan mavzuni mustahkamlash. Sinf doskasida quyidagi savol beriladi. Ona Vatanimizni asrash uchun qanday fazilatlarga ega bo‘lish lozim. O‘quvchilar yakka tartibda o‘z fikrlarini daftarlariga yozadilar. O‘qituvchi o‘quvchilarning yozganlarini tekshiradi va og‘zaki so‘raydi.

Interaktiv mashq:

Ekranda qator predmetlar tasvirlanadi. Topishmoq o‘qiladi. O‘quvchilar sichqoncha yordamida javobni aniqlaydilar. 1. Tilsiz, aql o‘rgatar. (kitob)

2.Sirli tayoq

Ichi bo‘yoq. (qalam)

3.O‘zi kichik bir narsa

Kerak bo‘lar har darsda

Chizib qo‘ysang noto‘g‘ri,

Yo‘q qiladi bir pasda. (o‘chirg‘ich)

4. Ustini yo‘q,

Uydan ammo kami yo‘q.

O‘quv qurolim har xil,

Unda yashar do‘st-ahil. (popka)

4.”K” harfidan boshlanib,

“K” bilan bo‘lar tamom.

Ba’zan “o‘qish oynasi”

Deyishar, bu qanday nom? (kundalik)