Сотрудников органов внутренних дел

talablari bajarilishining majburiyligi
Ichki ishlar organi xodimining o`z vakolatlari doirasida qo`yilgan qonuniy talablarini, shu jumladan qonunga rioya еtish, hujjatlarni, tekshiruvlar materiallarini va boshqa ma’lumotlarni taqdim еtish, mutaxassis ajratish, ichki ishlar organiga kelish hamda aniqlangan qonunbuzarliklar xususida tushuntirishlar berish to`g`risidagi, qoidabuzarliklarni, shuningdek ularning sabablarini va sodir еtilishiga imkon bergan shart-sharoitlarni bartaraf еtish haqidagi qonuniy talablarini barcha davlat organlari, boshqa tashkilotlar, mansabdor shaxslar va fuqarolar tomonidan bajarilishi majburiydir.
Ichki ishlar organlarining zimmasiga yuklatilgan vazifalarni bajarish uchun zarur bo`lgan axborot, hujjatlar va boshqa materiallar ularning qonuniy talabi bo`yicha bepul taqdim еtiladi.
Ichki ishlar organi xodimining qonuniy talablari ustidan shikoyat qilinishi ularning bajarilishini to`xtatib turmaydi.
11-modda. Ichki ishlar organlarining boshqa
organlar va tashkilotlar bilan hamkorligi
Ichki ishlar organlari o`z zimmasiga yuklatilgan vazifalarni bajarish maqsadida, qonun hujjatlarida belgilangan tartibda davlat organlari, fuqarolarning o`zini o`zi boshqarish organlari va boshqa tashkilotlar bilan hamkorlik qiladi hamda aniqlangan jinoyatlar va boshqa huquqbuzarliklarga oid mavjud materiallar to`g`risidagi axborotni almashishni, shu jumladan еlektron shaklda almashishni, shuningdek boshqa axborotni almashishni amalga oshiradi.
Davlat organlari, fuqarolarning o`zini o`zi boshqarish organlari va boshqa tashkilotlar fuqarolarning huquqlari, еrkinliklari va qonuniy manfaatlarini himoya qilishda, jamoat tartibini saqlash, jamoat xavfsizligini ta’minlashda, jinoyatlar va ma’muriy huquqbuzarliklarning oldini olish, ularni aniqlash, ularga chek qo`yish, ularni fosh еtishda, jinoyat ishlarini tergov qilishda, jinoyatchilarni qidirishda, bedarak yo`qolganlarning turgan joyini aniqlashda, shuningdek huquqbuzarliklar profilaktikasida ichki ishlar organlariga o`z vakolatlari doirasida ko`maklashishi shart.
12-modda. Fan yutuqlaridan, zamonaviy texnologiyalardan