Сопол материаллар

Сиртқи ғишт ва тошлар шакли ва ишлатиш жойига қараб оддий ва профилли ғишт ва тошларга бўлинади. Оддийларидан деворларнинг текис қисмларида, профиллиларидан эса карнизлар, тортқилар, белбоғлар ва ҳоказоларда фойдаланилади. Сиртқи ғишт ва тошлар фасадларнинг ташқи қаторларига ва кириш заллари, зина хоналари, ўтиш жойлари ва бошқа хоналарнинг ички деворларига териш учун ишлатилади.

27-расм. Меъморий - бадиий фасадбоп плиталар
28-расм.Кўп рангли қилиб сирланган сопол плиткалар

Гилам нусха-мозаика қуйма плиткаларнинг 20 турдаги ўлчамлари ишлаб чиқарилади: чеккалари 25, 35, 50, 75, 100 ва 125 мм бўлган квадрат ва 25х100 мм тўғри бурчакли плиткалар ва ҳоказо. Қалинлиги 2,5 мм ва олд юзаси турли рангли бўлади(29-расм). Плиткалардан тайёрланган қурама гиламлар панеллар юзаларини қоплаш ва кўриниш жойларни пардозлаш учун қўлланилади. Полбоп сопол плиткалар гил массасидан кам гил қўшимчалар ва бўёвчи аралашмалар ёки уларсиз зичлаш ва кейинчалик қовушгунга қадар пишириш йўли билан тайёрланади.

29-расм.Гилам нусха- кошинкор қуйма плиткалар
30-расм. Поллар учун мўлжалланган йирик ўлчамли сопол плиткалар