Soliyeva muslimaxonning

«Ichki nur» mashq. O`rindiqqa qulay o`tirib, ko`zingizni yuming. Fikrlaringiz tiniqlashmoqda. Tasavvur qiling boshingizning tepasida yorqin nur paydo bo`lmoqda. Bu nur asta-sekin yuqoridan pastga qarab iliq va tiniq nuri bilan ichingizdan sizning yuzingizni yoritib turibdi, Nurning bir maromdagi harakatidan qoshingiz va labingiz atrofidagi chiziqlar silliqlashib, yuzingizning muskullari bushashmoqda. Ensa qismingizdagi zo`riqish yo`qolmoqda, yelkalaringiz ham zo`riqishdan ozod bo`lmoqda. Ichki nur sizning yangi qiyofangizni shakllantirmokda. Bosiq, vazmin, o`ziga ishongan, o`z hayotidan mamnunlik seza boshlayotgan yangi qiyofa. Mashg`ulotni quyidagi so`zlar bilan yakunlang: «Men yangi inson bo`ldim!». «Yosh va sog`lomman!», «Bosiq va vazminman!».


Xulosa va tavsiyalar
Muammoni o‘rganishga bag‘ishlangan adabiyotlar tahlili o‘tkazilgan sinov-tajriba ishlari natijalarining miqdoriy va sifat tahlili asosida quyidagi xulosalarni shakllantirish mumkin: 1.Har qanday faoliyat (o‘yin, ta’lim va mehnat) davomida u yoki bu darajadagi zo‘riqishlar bo‘lishi mumkin. 2.Hissiy zo‘riqishlar – stress (jiddiylik), bezovtalanish, qo‘rquv, hayajon, xavotirlik shaklida namoyon bo‘ladi. 3.O‘quv faoliyatiga xos hissiy zo‘riqishlar ob’ektiv (tashqi) va sub’ektiv (ichki) omillar ta’sirida yuzaga keladi. 4.O‘smir(qizlar)ning o‘quv faoliyatidagi hissiy zo‘riqishlar uning samaradorligiga ijobiy va salbiy ta’sir etishi mumkin. 5. O‘quv faoliyatiga xos zo‘riqishlar barcha o‘smir qizlar tomonidan bir xil jadallik va davomiylikda ichdan kechirilmaydi. 6. Hissiy zo‘riqishlar o‘quv faoliyati motivatsiyasi, qiziqishlar va o‘smir(qizlar)ning psixologik tayyorgarligiga ko‘ra namoyon bo‘ladi. Qanchalik ta’lim motivatsiyasi kuchli bo‘lsa, shunchalik hissiy zo‘riqishlar kam bo‘lishi kuzatiladi. Yuqoridagi fikrlardan kelib chiqib quyidagi xulosaga kelish mumkin, shaxsdagi charchoq, ruhiy tushkinlik, asab tizimining buzilishi, psixosomatik muammolar, uyqusizlik, atrofdagilarga loqayd qarash, bajarilayotgan faoliyatga salbiy munosabatda bo‘lishlik, jahldorlik, o‘ziga nisbatan yomon munosabatda bo‘lish yoki ishonchsizlik, havotirlanish holatlari, pessimist bo‘lish, bo‘layotgan voqealarga befarqlik, aybdorlik hissi shaxsda ruhiy zo‘riqishni kelib chiqishiga sabab bo‘ladi. Bularni bartaraf etish uchun esa psixologik xizmatni yanada takomillashtirish lozim. Psixologik xizmatning maqsadi shaxsning har tomonlama mukammal psixologik taraqqiyotini ta’minlovchi oqilona, zarur shart-sharoitlar, omillar, qulay vaziyat va muhit yaratishdan iboratdir. Ma’lumki umumta’lim va o‘rta maxsus ta’lim tizimida psixologik xizmat yo‘lga qo‘yilgan shu bilan birga ta’lim tizimida faoliyat yuritayotgan pedagog va rahbar xodimlarning malaka oshirish kurslari jarayonida ham psixologik yordam ko‘rsatish ular faoliyatini yanada mazmunli va samarali bo‘lishiga turtki bo’ladi.