Sifatni boshqarish fazasi. Aqsh da sifatni boshqarish tajribasi yaponiyada sifatni boshqarish tajribasi

Juran (Juran, JosephM.) – AQSH ning sifat sohasidagi etakchi biznes-maslahatchilaridan biri hisoblanadi va u tomonidan «sifat triadasi» tamoyili ishlab chiqilgan. Deming bilan hamkorlikda Juran urushdan keyin YAponiyada tovarlarning sifatini oshirishga o‘z hissasini qo‘shgan.
Juran «sifatni boshqarish uchta jarayon: rejalashtirish, nazorat, yaxshilash yordamida amalga oshiriladi» deb hisoblagan.


1. Sifatni rejalashtirish:

• 
  sifat sohasidagi maqsadlarni belgilab oling
  
• 
  xaridorlaringizni aniqlab oling
  
• 
  xaridorlarning ehtiyojlarini aniqlang
  
• 
  mahsulotni talablarga muvofiq ravishda ishlab chiqing
  
• 
  mahsulot ishlab chiqarish uchun zarur jarayonlarni ishlab chiqing
  
• 
  nazorat usullarini ishlab chiqing.
  

2. Sifat nazorati:

• 
  jarayonlarning natijalarini baholang
  
• 
  ularni talab etiladigan parametrlar bilan taqqoslang
  
• 
  agar farqlar bo‘lsa, choralar ko‘ring.
  

3. Sifatni yaxshilash:

• 
  har yillik yaxshilashlarni saqlab turish uchun talab etiladigan infratuzilmani yarating
  
• 
  siz nimani yaxshilamoqchiligingizni aniqlab oling
  
• 
  har bir yaxshilash loyihasi uchun komanda tuzing
  
• 
  komandani resurslar bilan ta’minlang, odamlarni tayyorlang, motivatsiya tizimini yarating.
  

Feygenbaum (FeigenbaumArmandV.) – amerikalik mutaxassis 60-yillarda sifatni umumiy boshqarish (TotalQualityControl) va parallel (bir vaqtning o‘zida) injiniring tamoyillarini ishlab chiqdi. 10 yildan ko‘proq GeneralElectric da ishladi, so‘ngra o‘zining GeneralSystemsCompany, Ltd konsalting firmasiga asos soldi. U hozirgacha shu firmaning prezidenti hisoblanadi. Bu firma – sifat menejmenti sohasidagi jahon maslahat markazlaridan biri;
ArmandFeygenbaum hamEdvard Deming va Jozef Juran singari, 50-yillarda YApon mutaxassislariga maslahat-lar bergan. Armand Feygenbaum «sifatni umumiy boshqarish» - TQC atamasidan foydalangan birinchi sifat maslahatchisidir. SHu tufayli sifat sohasi bo‘yicha YApon olimlari va sifat bo‘yicha maslahatchilar Armand Feygenbaumni «sifatni umumiy boshqarish» konsepsiyasining asoschisi deb hisoblaydilar.


Ishikava (Ishikawa, Kaori) – sifat doirasi»ni o‘ylab topgan, «sabablar – oqibat» diagrammasini (Ishikava diagrammasi) ni taklif etgan, korxona jamoasining barchasi ishtirok etadigan sifatni boshqarish konsepsiyasini ishlab chiqqan. 50-yillarning boshidan boshlab sifat bo‘yicha JUSE dasturida faol ishtirok etadi. «Toyota» firmasida amalga oshirilgan ishlab chiqarishni tashkil etishning yangi konsepsiyasining ishlab chiquvchilaridan biri hisoblanadi.
Sabab-oqibat diagrammasi, yoki boshqacha aytganda «Ishikava sxemasi», yoki «baliq skeleti» muammolar sababini, shu jumladan sifat bilan bog‘liq muammolar sababini izlashga yordam beradi(4-rasm).